सल्यान- आज दिउँसो डबल क्याप जिपले ठक्कर दिँदा पाँच छात्रा घाइते भएका छन्। सल्यान रुकुम सडक खण्डअन्तर्गत बरलामा सडक छेउमा बसिरहेका पाँचै जनालाई लु २ च ५७०१ नम्बरको जिपले ठक्कर दिँदा शारदा नगरपालिका-६ बरला बस्ने मीना परियार, सोही ठाउँका रेखा बुढाथोकी, सुशीला नेपाली, दीपा बुढाथोकी र सुनिता नेपाली भएको जिल्ला इलाका प्रहरी कार्यालय शीतलपाटीले जनाएको छ।
शिवजन माविमा कक्षा १२ मा अध्ययनरत ती छात्रा सडकको छेउमा बसिरहेका बेला तीव्र गतिमा आएको जिप अनियन्त्रित भइ दुर्घटना भएको प्रहरीको भनाइ छ। घाइतेहरुको छाती तथा मुखमा चोट लागेको र अवस्था जटिल भएकाले उपचारका लागि नेपालगञ्ज पठाइएको छ।
जिपमा सवार चारजना भने सकुशल थिए। जिप सडकभन्दा १० मिटर तल खसेको थियो। दुर्घटनापछि जिप चालक शारदा नगरपालिका-४ निवासी टङ्कबहादुर वली फरार रहेकाले उनको खोजी भइरहेको प्रहरी नायव निरीक्षक लीलाराम चन्दले जानकारी दिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
1664177809.jpg)
-1764146706.png)
