काठमाडौं– प्रधानमन्त्री कप एकदिवसीय क्रिकेट प्रतियोगिताको उपाधि सशस्त्र प्रहरी बलको एपिएफ क्लबले जितेको छ। सोमबार कीर्तिपुरस्थित टियू क्रिकेट मैदानमा भएको उपाधि भिडन्तमा त्रिभुवन आर्मीलाई ६ विकेटले हराउँदै एपिएफ च्याम्पियन बनेको हो।
आर्मीले दिएको २ सय १० रनको लक्ष्य एपिएफले ४१.२ ओभरमा ४ विकेटको क्षतिमा पार गरेको थियो। एपिएफका लागि अनिल शाह र प्रदीप ऐरीले ६३–६३ रनको योगदान दिए। अनिलले ७२ बलमा ४ चौका र ३ छक्का तथा प्रदीपले ९९ बलमा समान २–२ चौका र छक्का प्रहार गरे। पृथु बाँस्कोटाले ३२ र रोहितकुमार पौडेलले १५ रनको योगदान दिए। सुवास खकुरेलले नटआउट १४ र करण केसीले नटआउट १५ रन बटुले।
बलिङतर्फ आर्मीका सोमपाल कामीले ३ विकेट लिए विक्रम शोवले १ विकेट हात पारे।
त्यसअघि टस जितेर पहिले ब्याटिङ गरेको आर्मी ५० ओभरमा २ सय ९ रनमा अलआउट भयो। आर्मीका लागि मध्यक्रमका ब्याट्सम्यान भीम सार्कीले ४५ रन जोडे। यस्तै सोमपाल कामीले ३६ र विनोद भन्डारीले ३५ रन बटुले। त्यसअघि अनिल मन्डल १९ र नरेश बुढाऐर २० रनमा आउट भएका थिए।
बलिङतर्फ एपिएफका करण केसीले ३ विकेट लिए। कप्तान बसन्त रेग्मी र भुवन कार्कीले २–२ विकेट हात पारे। पवन शर्राफ र अमरसिंह रटेउलाले १–१ विकेट लिए।
आर्मीका सागर पुन म्यान अफ दि सिरिज भए। आर्मीकै सुशन भारी उत्कृष्ट बलर घोषित हुँदा एपिएफका प्रदीप ऐरी उत्कृष्ट ब्याट्सम्यान भए।
राष्ट्रिय खेलकुद परिषदको आयोजना तथा नेपालय इन्टरनेशनलको व्यवस्थापनमा भएको प्रतियोगिताको उपाधि विजेता एपिएफले २० लाख तथा उपविजेता आर्मीले १० लाख रुपैयाँ पुरस्कार पृ। प्रतियोगिताको सर्बोत्कृष्ट खेलाडीले स गर पुनले १ लाख पुरस्कार हात पार्दा भने उत्कृष्ट बलर सुनस र ब्याट्सम्यान प्रदीपले ५०–५० हजार पुरस्कार हात पारे। प्रतियोगितामा ७ प्रदेश र ३ विभागीय क्लब गरी १० टिमको सहभागिता थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1770562345.jpg)
