काठमाडौं– संवैधानिक इजलासमा प्रधानन्यायाधीश अनिवार्य हुने कि नहुने विवाद सम्बन्धिको मुद्दा सुनुवाइका लागि शुक्रबार तोकिएको इजलासमा असन्तुष्टि जनाउँदै नेपाल बार र सर्वोच्च बारका एमिकस क्युरीनै उपस्थित नभएपछि मुद्दा प्रभावित भएको छ।
नेपाल बारले बार अध्यक्ष चण्डेश्वर श्रेष्ठ र शेरबहादुर केसीलाई एमिकस क्युरीको रुपमा तोकेको थियो। त्यस्तै सर्वोच्च बारले अध्यक्ष पूर्णमान शाक्य र रविनारायण खनाललाई तोकेको थियो। तर उनीहरु नै उपस्थित नभएपछि मुद्दामा संयुक्त इजलासले अन्य आदेश गर्दै अर्को पेसीका लागि सारेको छ।
शुक्रबार न्यायाधीश प्रकाशकुमार ढुङ्गाना र मनोज शर्माको इजलासमा पसी तोकिएको थियो।
संवैधानिक परिषद् सम्बन्धी अध्यादेश विवादको मुद्दाको सुनुवाइमा प्रधानन्यायाधीश चोलेन्द्र शमशेर राणा अलग हुनुपर्ने र नपर्ने विवाद केही समयदेखि चलिरहेको छ।
शुक्रबारको सुनुवाइले यो विवादमा निकास दिने आस गरिएपछि 'अन्य आदेश’ भएपछि केही समय लम्बिने देखिएको छ।
अधिवक्ता दीपकविक्रम मिश्र र डा.गणेश रेग्मीले दायर गरेका छुट्टा–छुट्टै रिट संवैधानिक इजलासमा पेसीमा चढेको थियो। तर, सर्वोच्च अदालत र बार एसोसिएसनको एमिकस क्युरीले यसअघि प्रधानन्यायधीशसँग भएको छलफलमा संवैधानिक इजलासमा पेसी तोक्ने अनि बारले एमिकस क्युरी पठाउने भनेकोमा नियमित इजलास जुनियर न्यायाधीशको तोकेपछि उनीहरुले असन्तुष्टि जनाउँदै अनुपस्थित भएर बिरोध गरेका हुन्।
यो सुनुवाइ सरेपछि मुद्दा केही दिन धकेलिएको छ। यो मुद्दाको किनारा नलाग्दा ५२ संवैधानिक निकायमा नियुक्त भएका पदाधिकारीको मुद्दा सुनुवाइ हुने छैन।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1778551198-1778552039.jpeg)
-1746520246.jpg)
-1764146706.png)
