काठमाडौं– भारतीय अभिनेता नवाजुद्दीन सिद्दिकीको पहिलो अंग्रेजी फिचर फिल्म ‘नो ल्यान्डस म्यान’ बुसान अन्तर्राष्ट्रिय फिल्म फेस्टिभल २०२१ को ‘किम जिसोक’ अवार्डका लागि छनोट भएको छ। आफ्नो पहिलो अंग्रेजी फिचर फिल्म बहुचर्चित फेस्टिभलमा छनोट भएको विषयलाई लिएर सिद्दीकीले भारतीय सञ्चारमाध्यममा आफ्नो खुशीसँगै जिम्मेवारी थपिएको बताएका छन्।
सिद्दिकीले भनेका छन्, ‘कोरियन फिल्म अहिले पनि सबैभन्दा माथि छ। तर, केही समययता इरानी फिल्म पनि त्यो स्तरमा बनिरहेका छन्। मिनारी (२०२०) जस्ता फिल्महरु इरानी फिल्मको पहिचान हुन्। मेरो फिल्म कोरियाली फिल्महरुको केन्द्र बुसानमा छनोट हुनु मेरो लागि अत्यन्तै खुशीको कुरा हो।’
बुसानमा किम जिसोक अवार्डका लागि अपर्णा सेनले बनाएको फिल्म ‘द रेपिस्ट’सँग सिद्दिकीको नो ल्यान्स म्यानले प्रतिस्पर्धा गर्दै छ। विदेशी फिल्ममा अभिनय गर्नु र आफूले अभिनय गरेको फिल्म विश्वस्तरको फिल्म फेस्टिभलमा छनोट हुनु आफ्नो लागि ठूलो सिकाइको अवसर भएको सिद्दिकीले बताएका छन्। तर, सिद्दिकीले आफ्नो लागि अंग्रेजी फिल्ममा काम गर्नु सफलताको पर्याय नभएको बताएका छन्।
सिद्दिकीले आफ्नो लागि सफलताको परिभाषा फरक रहेको बताएका छन्। उनले भने, ‘एक अंग्रेजी फिचर फिल्म गर्नु मेरो लागि सफलता होइन। केही मानिस घर किन्नु सफलता हो, यो क्षेत्रमा काम पाउनु सफलता हो भन्ने ठान्छन्। केहीको लागि स्टारडम हासिल गर्नु सफलता हो भन्छन्। तर, मेरो लागि यी कुरा अर्थहीन छन्।’
सिद्दिकीले आफूले अभिनय गरिरहेको दृश्यमा कुनै इमोसनलाई आफ्नो वास्तविक जीवनभन्दा फरक किसिमले प्रस्तुत गर्न सकेमा त्यो सफलता भएको बताएका छन्। उनले भने, ‘म कुनै दृश्यमा आफ्नो इमोसनलाई फरक किसिमले प्रस्तुत गर्न सकेमा त्यो मेरो लागि महत्त्वपूर्ण हो। मेरो लागि त्यो सफलता हो।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791703930-1791704860.jpg)
-1786602170.png)
