काठमाडौं– जर्मन बुन्डेस लिगाअन्तर्गत गएराति सम्पन्न खेलमा बायर्न म्युनिख विजयी बनेको छ। बायर्नले आरबी लाइपजिगलाई ४–१ गोल अन्तरले पराजित गरेको हो।
लाइपजिगको मैदानमा सम्पन्न खेलमा बायर्नले खेलको १२औं मिनेटमै अग्रता बनाएको थियो। रोबर्ट लेवान्डोस्कीले पेनाल्टीबाट गोल गर्दै टिमलाई सुरुवाती अग्रता दिलाएका थिए।
खेलको ४७औं मिनेटमा जमल मुसिआलाले गोल गर्दै टिमको अग्रता दोब्बर बनाए भने ५४औं मिनेटमा लोरी सानेले गोल गर्दै बायर्नलाई ३–० को स्थितिमा पुर्याए।
५८ औं मिनेटमा कोर्नार्ड लिमेरको गोलसँगै खेल ३–१ को स्थितिमा पुग्यो।खेलको इन्जुरी समयमा एरिक म्याक्सिमले गोल गर्दै बायर्नलाई ४–१ को जित दिलाए।
जितसँगै ४ खेलबाट १० अंक जोडेको बायर्न लिग तालिकाको दोस्रो स्थानमा छ। पराजित लाइपजिग ३ अंकका साथ १३औं स्थानमा रहेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1767930190.png)
-1764146706.png)
