काठमाडौं- सेप्टेम्बर २ मा हृदयघातका कारण निधन भएका भारतीय अभिनेता तथा बिग बोस १३औं संस्करणका विजेता सिद्धार्थ शुक्ला डिसेम्बरमा आफ्नी प्रेमिका अभिनेत्री शहनाज गिलसँग विवाहको तयारीमा रहेको खुलेको छ।
उनको निधनपछि भारतीय सञ्चारमाध्यममा आएका समाचारका अनुसार दुईले इंगेजमेन्ट गरिसकेको र आउँदो डिसेम्बरमा विवाह गर्ने तयारी सुरु गरिसकेको बताइएको छ।
सिद्धार्थ र शहनाज दुवैले आफ्नो परिवारलाई विवाहको तयारी गर्न भनिसकेका थिए। मुम्बईमा तीन दिनसम्म उनीहरुको विवाहको कार्यक्रम आयोजना गर्नलाई होटल समेत बुक गरिएको थियो। मिडियामा अनावश्यक चर्चा होला भन्ने डरले हालसम्म दुईको विवाहबारे लुकाइएको उनीहरु निकटका साथी तथा परिवारका सदस्यहरुले बताएका छन्।
बिग बोसकै एक प्रतिस्पर्धीसमेत रहेका गायक अबू मलिकले पनि शहनाज र सिद्धार्थको विवाहको खबरलाई पुष्टि गरेका छन्। भारतीय सञ्चारमाध्यमसँगको कुराकानीमा उनले सिद्धार्थ र शहनाज २०२० मार्चदेखि नै विवाहको लागि तयारी गरिरहेको बताएका छन्।
टेलिभिजन कार्यक्रम तथा सिनेमामा समेत राम्रो ख्याती कमाएका सिद्धार्थको मृत्युपछि उनकी प्रेमिका शहनाज निकै कठिन अवस्थामा छिन्। सिद्धार्थको अन्तिम संस्कारका लागि ३ सेप्टेम्बरमा मुम्बईस्थित ओशिवारा घाटमा पुगेकी शहनाज बेहोस अवस्थामा देखिएकी थिइन्।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
