सलमानको ‘टाइगर ३’को मुख्य गीत टर्कीमा छायांकन

समाचार

नेपाल लाइभ शनिबार, भदौ १९, २०७८ १३:३२

काठमाडौं- बलिउड अभिनेता सलमान खानको आगामी फिल्म टाइगर लामो समयदेखि चर्चामा छ। हाल फिल्मकै सुटिङका लागि सलमान र केट्रिना कैफ टर्कीमा छन्। सुटिङकै बीच शुक्रबार साँझ खान र कैफले टर्कीका पर्यटनमन्त्री मेहमेत नुरी इर्सोयसँग भेट गरेका छन्।

आफूले टर्कीमा फिल्म छायांकन गरिरहँदाको अनुभव बारेमा दुई कलाकारले इर्सोयलाई बताएका हुन्। उक्त कुराकानीमा केट्रिनाले आफूलाई सबैभन्दा मन पर्नेमध्येको ठाउँ टर्की भएको बताएकी छिन्।

सँगै, सलमानलले भने फिल्मको प्रमुख गीतको बारेमा खुलासा गरेका छन्। फिल्मको मुख्य गीत टर्कीको क्यापाडोसा र अन्तल्या शहरमा सुटिङ हुने उनले बताएका हुन्।

‘हामी यहाँ एउटा गीत सुटिङ गरिरहेका छौं,’ उनले भनेका छन्, ‘अघिल्लो पटकको ‘स्वाग से स्वागत’जस्तै यो फिल्मको मुख्य गीत यहाँ छायांकन भइरहेको छ। यो पनि पहिलेकै जस्तो सफल हुने आशा छ।’

टाइगर ३ सलमानले अभिनय गरिसकेको एक्सन–ड्रामा फ्रेन्चाइज ‘टाइगर’कै श्रृङ्खला हो। सन् २०१२ मा आएको ‘एक था टाइगर’ र सन् २०१७ मा आएको ‘टाइगर जिन्दा है’कै निरन्तरताको रुपमा यो फिल्म आउँदै छ। टाइगर–३ लाई मनिस शर्माले निर्देशन गरेका छन्।

एक्सनले भरिएको फिल्ममा सलमानसँगै इमरान हासमीको पनि अभिनय रहेको छ। उनी फिल्ममा सलमानको विपरीत भूमिकामा देखिएका छन्। फिल्म २०२२ को मध्यतिर प्रदर्शन हुने बताइएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सन्दीप जोराको अर्धशतकमा सुदूरपश्चिममाथि एपीएफ तीन विकेटले विजयी

प्रधानमन्त्री कप: मधेशमाथि कर्णालीको ८१ रनको फराकिलो जित

आरआर क्याम्पसमा चैत १६ गते स्ववियु चुनाव गर्ने निर्णय