काठमाडौं– अवैध रुपमा यार्सागुम्बाको कारोबार गरेको आरोपमा ४ जना पक्राउ परेका छन्। काठमाडौं उपत्यका अपराध अनुसन्धान कार्यालय (महानगरीय अपराध महाशाखा)ले बिहीबार काठमाडौंको सामाखुशीबाट ४ जनालाई पक्राउ परेका हो।
पक्राउ पर्नेहरुमा गोरखाको चुमनुब्री गाउँपालिका–३ का ४८ वर्षीय डुण्डुप गुरुङ, लमजुङको मर्स्याङ्दी गाउँपालिका–६ बाहुनडाँडाका ५० वर्षीय बेलबहादुर थापा, लमजुङकै बेशीसहर नगरपालिका–११ का ४० वर्षीय कृष्ण परियार र प्युठानको खलंगा नगरपालिका–११ गजुरीका ४७ वर्षीय दानबहादुर जिसी छन्।
उनीहरुबाट १ किलो ८ सय ग्राम यार्सागुम्बा प्रहरीले बरामद गरेको छ। डुण्डुपको सामाखुशीस्थित डेरामा अवैध रुपमा यार्सागुम्बाको कारोबार गर्न लागिरहेका बेला उनीहरुलाई पक्राउ गरिएको अपराध अनुसन्धान कार्यालयका प्रवक्ता कृष्ण कोइरालाले जानकारी दिए।
आवश्यक अनुसन्धान र थप कारबाहीका लागि उनीहरुलाई यार्सागुम्बासहित शुक्रबार डिभिजन वन कार्यालय काठमाडौं पठाइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1768049575.png)
-1764146706.png)
