काठमाडौं- रोबर्टो मन्सिनीको नेतृत्वमा रहेको युरोकप च्याम्पियन इटलीले अन्तर्राष्ट्रिय फुटबलमा अर्को उपलब्धि हासिल गरेको छ।
विश्वकप छनोटअन्तर्गत गएराति भएको खेल बुल्गेरियासँग १-१ को बराबरी खेल्दै इटलीले अन्तर्राष्ट्रिय फुटबलमा लगातार ३५ खेलसम्म अपराजित रहने स्पेन र ब्राजिलको कीर्तिमानसँग बराबरी गरेको हो।
युरोपियन छनोटअन्तर्गत समूह ‘सी’ मा यसअघि लगातार तीन खेल जितेको इटलीको यो पहिलो बराबरी हो।
युरोकप पनि इटालीले अपराजित रहँदै जितेको थियो। सन् २०१८ सेप्टेम्बरमा पोर्चुगलसँग पराजित भएयता इटली अपराजित रहेको छ।
यसअघि ब्राजिल सन् १९९३ देखि १९९६ सम्म लगातार ३५ खेलमा अपराजित थियो । यस्तै स्पेन पनि २००७ देखि २००९ सम्म लगतार ३५ खेलमै अपराजित थियो।
सन् १९३० को दशकमा भिट्टारियो पोज्जोले इटालीलाई ३० खेलमा अपराजित राखेको थिए। मान्सिनीको टिमले नोभेम्बर २०२० देखि मार्च २०२१ सम्म ६ खेल खेलेको थियो। ती खेलमा इटालीले जम्मा एक गोल खाएको थियो।
त्यस अवधिमा इटालीले दोस्रो विश्वकप उपाधि (१९३८) जितेको थियो। यस्तै, १९३६ मा ओलम्पिक स्वर्ण पदक जितेको थियो।
को कहिलेसम्म अपराजित
ब्राजिल- ३५ (१९९३-१९९६)
स्पेन- ३५ (२००७-२००९)
इटाली- ३५ (२०१८ देखि)
अर्जेन्टिना- ३१ (१९९१-१९९३)
इटाली- ३० (१९३५-१९३९)
फ्रान्स- ३० (१९९४-१९९६)
अल्जेरिया- २८ (२०१८ देखि)
पश्चिम जर्मनी- २३ (१९७८-१९८१)
फ्रान्स- २३ (२०१०-२०१२)
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
