काठमाडाैं– किलियन एम्बाप्पेले पीएसजीसँग सम्झौता नवीकरण गर्न अस्वीकार गरेका छन्। रियल मड्रिडले एम्बाप्पेलाई किन्न गरेका सबै प्रस्तावलाई पीएसजीले अस्वीकार गरेपछि सम्झौता नवीकरणका लागि दिएको नयाँ प्रस्ताव एम्बाप्पेले अस्वीकार गरेका हुन्।
दुई वर्षका लागि आकर्षक पारिश्रमिकसहित पीएसजीले प्रस्ताव गरे पनि उनले अस्वीकार गरेको फ्रेन्च मिडियाले जनाएका छन्। उनले नयाँ सम्झौता अनुसार प्रस्ताव स्वीकार गरेको भए पीएसजीबाट ४५ मिलियन युरो वार्षिक पारिश्रमिक पाउने थिए।
पीएसजीमा अब आउँदो जुनसम्म सम्झौता रहेका एम्बाप्पेआउँदो जनवरीमै रियलसँग फ्री–ट्रान्सफरसम्बन्धी सम्झौता गर्न स्वतन्त्र हुनेछन्। त्यसैले उनलाई लगातार लोभलाग्दो प्रस्ताव राख्दै पीएसजले फकाउने खोजिरहेको छ ।
यो प्रस्ताव एम्बाप्पेले मान्ने हो भने उनी नेयमार र लियोनल मेस्सीभन्दा बढी कमाउने खेलाडी हुनेछन्।
तर, रियलबाट खेल्ने आफ्नो सपना रहेको बताउँदै सम्झौता नवीकरण गर्न मानिरहेका छैनन्। यता रियलले एम्बाप्पेका लागि ‘डेडलाइन डे’को अन्तिम समयमा पीएसजीको माग अनुसार २२० मिलियन युरोको अफर गरेको थियो। तर, पीएसजीले सो अफर अस्वीकार गरेको थियो ।
रियलले यस अघि दुई पटक १६० र १७० मिलियन युरोको अफर पनि नगरेको होइन। यसअघिको अफरलाई अस्वीकार गरेकोमा एम्बाप्पे पीएसजीसँग असन्तुष्ट रहेका छन्।
एमबाप्पे रियल गए करिम बेन्जेउसँग भेट हुनेछ। यस्तै पउल पोग्बालाई पनि रियल अनुबन्ध गर्न चाहेको छ। यी तीन खेलाडी फ्रान्सको लागि उत्कृष्ट लयमा खेल्दै आएका छन्। र, तीनै जनाले रियलको सेतो जर्सीमा खेल्ने सपना बुनेको पनि बताइन्छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
