काठमाडौं– प्रधानमन्त्री कप एकदिवसीय राष्ट्रिय क्रिकेट प्रतियोगिताअन्तर्गत त्रिभुवन आर्मी क्लबले फाइनलमा स्थान पक्का गरेको छ। शुक्रबार भएको सेमिफाइनलमा प्रदेश ५ लाई १ सय ५४ रनको फराकिलो अन्तरले पराजित गर्दै आर्मी उपाधि नजिक भएको हो।
शुक्रबार कीर्तिपुरस्थित टियू क्रिकेट मैदानमा आर्मीले दिएको २ सय ९० रनको लक्ष्य पछ्याएको प्रदेश ५ ले ३५.५ ओभरमा १ सय ३५ रन बनाउदा सवै विकेट गुमायो। उसका लागि कृष्ण कार्कीले सर्वाधिक ३१ रन जोडे। नटआउट रहेका उनले २९ बलमा २ चौका र ३ छक्का प्रहार गरे। त्यसअघि प्रदेशका लागि कुनै पनि ब्याट्सम्यानले राम्रो खेल्न सकेनन्। ओपनर सन्दीप सुनर ९ तथा उनका पार्टनर सुवेन्दु पाण्डे ११ रनमा आउट भए। शंकर रानाले २३ रन जोड्दा निश्चल चौधरी १ रन र प्रनित थापामगर ८ रनमा पेभिलियन फर्के। अन्तिम थापा र सौरभ खनालले १४–१४ भन्दा बढी रन जोड्न सकेनन्।
बलिङतर्फ आर्मीका विक्रम शोव र सुसन भारीले ३–३ विकेट लिए। सागर पुनले २ विकेट हात पारे भने सोमपाल कामी र सहाव अलामको नाममा १–१ विकेट रह्यो।
त्यसअघि टस हारेर पहिले ब्याटिङ गरेको आर्मीले सागर पुनको शतकमा ८ विकेट गुमाएर २ सय ८९ रन जोड्यो। सागरले १ सय १८ रन जोडे। उनले १ सय ४२ बल खेल्दै १० चौका र ४ छक्का प्रहार गरे। अर्का ओपनर अनिल मण्डलले १९ रनको योगदान दिए। तर नरेश बुढाऐर शून्य रन र राजु रिजाल ५ रन प्रहार गरेका थिए। भीम सार्कीले ७७ रन जोडेपछि आर्मीको योगफल मजबुत बनेको थियो। भीमले ५३ बलमा ५ चौका र ३ चौका प्रहार गरेका थिए। कप्तान विनोद भण्डारीले १५ बलमा ३७ रन जोडे। उनले २ चौका र ३ छक्का हिर्काए।
बलिङतर्फ प्रदेश ५ का कृष्ण कार्कीले ३ विकेट हात पारे। विक्रम भुषालले २ विकेट लिए भने लाल अधिकारी र शक्ति गौचनले १–१ विकेट आआफ्नो नाममा देखाए।
आर्मीका सागर म्यान अफ दि म्याच भए।
अब दोस्रो सेमिफाइनलमा शनिबार नेपाल पुलिस क्लब र एपिएफ क्लबबीच प्रतिस्पर्धा हुनेछ। विजेताले उपाधिका लागि आर्मीसँग खेल्नेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1782224905-1782225890.jpeg)
-1764146706.png)
