काठमाडौं– भारतीय क्रिकेटको सर्वोच्च निकाय बीसीसीआईले इन्डियन प्रिमियर लिग(आईपीएल) मा सहभागी टिमको संख्या थप गर्ने निर्णय गरेको छ।बीसीसीआईले दुई टिम थप्दै १० बनाउने निर्णय गरेको हो।
बीसीसीआईले दुई फ्रेन्चाइज टिमका लागि दरखास्त आह्वानसमेत गरिसकेको छ। यसअघि आईपीएलमा ८ टोलीले प्रतिस्पर्धा गर्दै आइरहेका छन्। बीसीसीआईको नयाँ निर्णयसँगै २०२२ देखि १० टोली सहभागिता जनाउनेछन्।
कोरोना महामारीको कारण रोकिएको जारी संस्करणको बाँकी खेल सेप्टेम्बर १९ बाट सुरु हुनेछ।
युएईमा आयोजना हुने आईपीएलको फाइनल खेल अक्टोबर १५ मा हुने बीसीसीआईले जनाएको छ।
प्रतियोगितामा दिल्ली क्यापिटल्स शीर्ष स्थानमा रहेको छ । दिल्लीले ८ खेलमा १२ अंक जोडेको छ । यस्तै चेन्नई दोस्रो र बैंगलोर तेस्रो स्थानमा रहेको छ ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
