बैतडी- भिरबाट लडेर एमाले बैतडीका युवा नेताको मृत्यु भएको छ।
गम्भीर घाइते भएका युवा संघका जिल्ला सदस्य विजय भाटको उपचारका क्रममा मृत्यु भएको छ। दशरथचन्द नगरपालिका– ५ दमरखोलीका ३० वर्षीय भाटको उपचारका क्रममा शुक्रबार धनगढीस्थित माया मेट्रो अस्पतालमा मृत्यु भएको प्रहरी निरीक्षक दर्शन खड्काले जानकारी दिए।
बिहीबार साँझ सदरमुकामबाट घर फर्किने क्रममा स्थानीय कलुवाड मोडबाट लडेर भाट घाइते भएका थिए। घाइते भाटको जिल्ला अस्पतालमा उपचार नभएपछि शुक्रबार बिहान ४ बजे धनगढी रेफर गरिएको थियो । उनको शुक्रबार धनगढीस्थित मायामेट्रो अस्पतातमा मृत्यु भएको प्रहरीले जनाएको छ। उनका एक छोरा र श्रीमती छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
