काठमाडाैं– पेरिस सेन्ट जर्मेन (पीएसजी)का खेल निर्देशक लियोनार्डोले युवा फरवार्ड केलियन एमबाप्पे कल्बमा बस्न नचाहे रिलिज गर्ने बताएका छन्
सम्झौताको अन्तिम वर्षमा रहेका एमबाप्पेका लागि स्पेनिस क्लब रियल मड्रिडले मंगलबार राखेको १ सय ६० मिलियन युरोको प्रस्तावले पीएसजीले अस्वीकार गरेको थियो।
सम्झौताको अन्तिम वर्षमा रहेपनि पीएसजी एमबाप्पेसँग नयाँ सम्झौता गर्न प्रयासरत छ । तर, एमबाप्पेले भने त्यसमा इच्छा देखाएका छैनन् ।
'हाम्रो मनस्थिति सधैं एउटै रहेको छ, एमबाप्पेलाई राख्ने र उनको अनुबन्ध लम्ब्याउने,' लियोनार्डो भने,' तर, यदि एक खेलाडी छोड्न चाहन्छ भने उनलाई जान दिनुपर्छ। क्लब परियोजना कुनै एक व्यक्तिभन्दा ठूलो छ।'
अर्काे समरमा एमबाप्पे फ्रि एजेन्ट हुने भएकाले पीएसजीले उनलाई यो समरमा नै बेच्नुपर्ने हन्छ। पीएसजी भने अहिले नै रियललाई बेच्नुपरेको अवस्थामा पनि अझै बढी रकम पाउने आशा गरेको छ। रियलले एमबाप्पे पीएसजी आउँदा पनि अनुबन्धनमा चासो देखाएको थियो, तर त्यसबेला एमबाप्पेले पीएसजी रोजेका थिए।
यद्यपि, रियल यसै समरमा एमबाप्पे अनुबन्ध गर्न सक्नेमा आशावादी रहेको छ। यो सिजनको समर ट्रान्सफर ३१ अगस्टको मध्यरातसँगै सकिँदै छ।
एमबाप्पेले यो नयाँ सिजनमा पीएसजीबाट ३ खेल खेल्दा एक गोल गरिसकेका छन् । उनले ५ सिजनमा १७४ खेलमा १३३ गोल गरेका छन्। उनले पीएसजीबाट ३ लिग वान, ३ कप दि फ्रान्स, २ कप दि ला लिग र २ ट्रफी डेस च्याम्पियन जितेका छन् । एक पटक च्याम्पियन्स लिगको उपविजेता बनेका छन् ।
पीएसजीले गत सिजन लिग वान दोस्रो स्थानमा सकाएको थियो र च्याम्पियन्स लिगको सेमिफाइनलमा म्यानचेस्टर सिटीसँग पराजित भएर बाहिरिएको थियो। तर, पीएसजी च्याम्पियन्स लिग जित चाहन्छन्।
त्यसैले उसले यो सिजनका लागि सर्जियो रामोस, गियानलुइगी डोन्नारुम्मा, जर्जिनियो विज्नाल्डम र अच्राफ हाकिमीसँगै लिओनल मेस्सीसँग ठूला र नाम चलेका खेलाडी भित्र्याएको छ।
तर, याे सिजन नेयमार र मेस्सीले खेलेका छैनन्, एमबाप्पेको प्रमुख भूमिका खेलिरहेको पीएसजीले लिग वानको पहिलो तीन खेल जितेको छ। उनले पहिलो गोल गत साता ब्रेस्टविरुद्ध गरे।
'हामीले एम्बाप्पेका लागि सबै थोक गरेका छौं। उनलाई यहीँ राख्ने वातावरण पनि मिलाएका छौं,' लियोनार्डो भने।' उनी पेरिस उपनगरहरुमा जन्मेका र हुर्केका थिए। उनलाई यहाँ खेल्न सहज छ। तर, जान चाहन्छन् भने उनलाई सित्तैमा जाने दिनेछैनौं।
रियलमा सुहाउँदो प्रस्ताव आए एमबाप्पेले यसै महिना पीएसजी छोड्ने सम्भावना छ। आर्थिक कारण र लिगको संरचनाले गर्दा प्रतिद्वन्द्वी क्लब बार्सिलोनाले मेस्सीलाई राख्न सकेनन्। तर, रियलको आर्थिक स्थिति बलियो छ।
जुलाईमा प्रकाशित भएको खबरअनुसार १३ पटक को यूरोपियन च्याम्पियन रियलसँग ५४४ मिलियन यूरो शुद्ध सम्पत्ति र बैंकमा १२२ मिलियन यूरो नगद छ।
पछिल्लो सिजन रियलले खेलाडीको पारिश्रमिकका लागि ४४८ मिलियन यूरो खर्च गरेको थियो, जुन ला लिगाद्वारा निर्धारित ४७३.३ मिलियन यूरोको सीमा भन्दा थोरै हो। ला लिगाका अध्यक्ष जेभियर टेबासले रियलले एम्बाप्पेलाई भित्र्याउन सक्ने बताएका छन्।
'रियल मड्रिडले एमबाप्पेलाई अनुबन्ध गर्न सक्छ,' उनले भने, 'फ्रान्सेली खेलाडीको आगमन स्पेनिस खेलको लागि धेरै राम्रो हुनेछ।'
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
1693220145.jpg)
-1786602170.png)
