टिकटक बनाउनेको भिड बढेपछि कञ्चनपुरको 'भाइरल रोड' बन्द

सञ्जाल

नेपाल लाइभ बुधबार, भदौ ९, २०७८ १८:०४

तस्वीर– रासस

काठमाडौं– टिकटक बनाउन आउनेहरूको भिड थाम्न नसकिएपछि कञ्चनपुरको 'भाइरल रोड'मा आवागमन बन्द गरिएको छ।

भीमदत्त नगरपालिका–१२ ओदालीस्थित ६ लेनको सडकमा टिकटक बनाउन आउनेको भिड बढ्न थालेको र दुर्घटना समेत हुन थालेपछि आवागमनमा प्रतिबन्ध लगाइएको हो। जिल्ला प्रशासन कार्यालय कञ्चनपुरले महाकाली नदीमा निर्माणाधीन चार लेनको पक्की पुलको पहुँच मार्गमा जान प्रतिबन्ध लगाएको हो।

निर्माणाधीन सडकमा भिडभाड हुन थालेपछि कोरोनाको जोखिम बढेकोले आइतबारदेखि सडकमा जान प्रतिबन्ध लगाइएको प्रमुख जिल्ला अधिकारी राम प्रसाद पाण्डेले बताए।

‘भिडभाडले कोरोनाको जोखिम पनि बढेको र सुरक्षाको दृष्टिले पनि संवेदनशील भएकाले घुमघामका लागि सडकमा जान निषेध गरिएको छ,’ उनले भने, ‘निर्माण कम्पनी, कामदार र त्यहाँका स्थानीयले हिँडडुल गर्न पाउँछन्। तर, सडकमा बस्ने तथा भिडियो बनाउने जस्ता गतिविधि गर्न पाइनेछैन।'

सामाजिक सञ्जालमा भाइरल भएपछि सडकमा दैनिक ४/५ हजार मानिस सेल्फी तथा टिकटकका लागि भिडियो खिच्न त्यहाँ पुग्ने गरेका थिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

लुम्बिनीलाई एकै ओभरमा दुई झड्का, रिजनले गरे घिरैया र चन्दलाई क्लीन बोल्ड

एनपीएल : चितवनविरुद्ध टस हार्दै लुम्बिनीले ब्याटिङ गर्दै

गढीमाई मेलाबाट सिरहा फर्किन लागेको स्कार्पियो दुर्घटना, ८ जनाको मृत्यु