काठमाडौं- युइएफएले २०२०–२१ सिजनको वर्ष पुरुष खेलाडीको शीर्ष तीनमा इंग्लिस क्लब चेल्सीका मिडफिल्डरद्धय जर्गिन्हो र एङ्गोलो कान्टेसँगै म्यानचेस्टर सिटीका केभिन डि ब्रुएन मनोनयनमा परेका छन्।
युरोपेली फुटबलको सर्वोच्च संस्था यूईएफएले बिहीबार मनोनयन सार्वजनिक गरेको हो। युईएफ वर्ष खेलाडीको अवार्डको मनोनयनमा पहिलोपटक तीन जना नै मिडफिल्डर पर्न सफल भएको हो।
इटालीका जर्गिन्हो एकै वर्षमा च्याम्पियन्स लिग र युरोपेली च्याम्पियनसिप जित्ने १०औं खेलाडी बनेका थिए। उनले चेल्सीबाट च्याम्पियन्स लिग तथा इटालीबाट युरोकप जितेका थिए।
यता, चेल्सीले च्याम्पियन्स लिग जित्दा कान्टे टोलीका मुख्य सदस्य रहेका थिए। यस्तै, गत सिजन दोस्रो भएका बेल्जियन केभिन डि ब्रुएनले सिटीलाई प्रिमियर लिगको उपाधि दिलाएका थिए। यस्तै टोलीलाई च्याम्पियन्स लिगको फाइनलमा पु¥याउन सफल भएका थिए।
शीर्ष १० मा पीएसजीका अर्जेन्टिनी फरवार्ड लियोनेल मेस्सी र शीर्ष पाँचमा जर्मन क्लब बायर्न म्युनिखका पोलिस फरवार्ड रहेका छन्।
एसी मिलान (हाल पीएसजी)का जियानलुइजी डोन्नररुम्मा, पीएसजीका केलियन एमबाप्पे, सिटी तथा इंग्ल्यान्डका रहिम स्टर्लिङ, युभेन्ट्सका क्रिस्टियानो रोनाल्डो र बोरुसिया डर्टमुन्ड तथा नर्वेका एर्लिङ हालान्ड क्रमशः शीर्ष १० मा रहे।
पुरुष प्रशिक्षकतर्फ म्यानेस्टर सिटीका पेप ग्वार्डिओला, इटालीका रोबर्टो मान्सिनी र चेल्सीका थोमस टुचेल मनोनयनमा छन्।
यता, युईएफए वर्ष खेलाडीको महिलातर्फका शीर्ष तीनको मनोनयमा बार्सिलोनाकै तीन खेलाडी हर्मोसो, मार्टिन्स र पुटेलास मनोनयमा परेकी छन्। महिला प्रशिक्षकतर्फ कोर्टेस, जरहार्डसन र हाएस शीर्ष तीनको मनोनयनमापर्न सफल भएकी छन्।
पुरुष गोलरक्षकतर्फ मड्रिड तथा बेल्जियनका थिवाउट कोर्टुवा, ब्राजिल तथा सिटीका इडर्सन मोराएस र चेल्सीका इडुआर्ड मेन्डी मनोनयमा परेका छन्। महिला गोलरक्षकतर्फ वर्गर, इन्डलेर र पानोस शीर्ष तीनको मनोनयनमा छिन्। डिफेन्समा इरिक्सन, मापी लिओन र पारेडेस रहेकी छिन्।
डिफेन्डरतर्फ सेसर एज्पिलिक्वेटा, रुवेन डियास र एन्टेनियो रुडिगर छन्।
मिडफिल्डमा केभिन डि ब्रुएन, जर्गिन्हो र एङ्गोलो कान्टे तथा फरवार्डमा हालान्ड, रोबर्ट लेवान्डोस्की र केलियन एमबाप्पे मनोनयनमा परेका छन्।
मिडफिल्डमा बोनमाती, जि र पुटेलास रहँदा फरवार्डमा ग्राहम हान्सेन, हर्मोसो र मार्टिन शीर्ष तीनको मनोनयनमा परेकी छिन्।
यस्तै, युरोपा लिगतर्फ इडिन्सन काभानी, ब्रुनो फर्नान्डेस र जेराड मोरेनो वर्ष खेलाडीको सुचीमा शीर्ष तीनको मनोनयमा परेका छन्।
विजेताको घोषणा २६ अगस्टमा हुनेछ। यो अवार्डको लागि युईएफएले एक सिजन भर खेलाडीले गरेको प्रदर्शनलाई मापन गर्दै छनोट गर्ने गर्दछ।
जसमा युरोकपको २४ राष्ट्रका प्रशिक्षक, गत सिजनको च्याम्पियन्स लिगका ३२ र युरोपा लिगको ४८ गरी ८० प्रशिक्षक, युरोपियन स्पोर्ट्स मिडिया ९इएसएम० का ५५ जना खेल पत्रकारको मतबाट खेलाडी छनोट गर्ने गरिन्छ।
सोही दिन नयाँ सिजनको च्याम्पियन्स लिग र युरोपा लिगको समूह विभाजनसँगै खेल तालिका सार्वजनिक गरिनेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
