काठमाडौं- गृहमन्त्री बालकृष्ण खाँणले संविधान र नागरिकको जीवन रक्षाका लागि गम्भीर बन्न प्रहरीलाई निर्देशन दिएका छन्। आइतबार प्रहरी प्रधान कार्यालयको निरीक्षणका क्रममा उनले उक्त निर्देशन दिएका हुन्।
खाँणले भिडियो कन्फेरेन्सबाट सहभागी सातवटै प्रदेश प्रहरी कार्यालयका प्रमुखहरु, संघीय प्रहरी एकाइ कार्यालयका प्रमुखहरू तथा सबै जिल्लाका प्रहरी प्रमुखहरुलाई निर्देशन दिएका थिए।
त्यस क्रममा उनले प्रहरी र सरकार एउटै सिक्काका दुई पाटा भएको चर्चा गर्दै सरकार र प्रहरीको सम्बन्धलाई अझ बढी सुदृढ, सवल र प्रगाढ बनाइ जनताको संविधानको रक्षा र पालना तथा नागरिकको जीवन रक्षाका लागि सबै गम्भीर हुनुपर्ने बताए। आत्महत्या, महिला तथा बालबालिकाविरुद्ध हुने हिंसाप्रति राज्य अत्यन्तै संवेदनशील रहेको बताउँदै उनले त्यस्ता हिंसा न्यूनीकरण गर्ने कार्यलाई गम्भीरतापूर्वक लिनसमेत निर्देशन दिए।
प्रहरी राज्य र समाजको अभिन्न अंग रहेको चर्चा गर्दै गृहमन्त्री खाँणले प्रहरीको साथसाथै नागरिकको भूमिकालाई समेत सहजता एवम् सफलताका साथ निर्वाह गर्न प्रहरी कर्मचारीहरुले सक्षमता प्राप्त गर्नेमा विश्वास व्यक्त गरे। सुरक्षाको दृष्टिकोणले अति संवेदनशील ठाउँहरुमा आमनागरिक तथा जनप्रतिनिधिहरुबाट प्रहरी कार्यालयहरुको स्थापना, स्तरवृद्धि, आधुनिकीकरणको माग एवम् सुझाव आएको उल्लेख गर्दै सबै प्रहरीको क्षमता अभिवृद्धि, अपराध नियन्त्रण एवं अनुसन्धानमा प्रविधिको प्रयोग, नवीन भूमिका एवम् दायित्वको लागि नेपाल सरकार पूर्ण सकारात्मक रुपमा अगाडि बढेको उनले बताए।
गृहमन्त्री खाँणले प्रहरी प्रधान कार्यालयस्थित डिजिटल फरेन्सिक ल्याब, पोलिग्राफ सेक्सन, डेटा सेन्टर र केन्द्रीय प्रहरी हेल्थ डेक्सको निरीक्षण गर्नुका साथै त्यससम्बन्धी गतिविधिबारे जानकारी लिएका थिए।
उक्त अवसरमा गृहसचिव टेकनारायण पाण्डेले विभिन्न अप्ठ्यारा परिस्थितिको सामना गर्दै आफ्नो कर्तव्य पालनामार्फत् सुखी राष्ट्र निर्माण एवम् नागरिकको जीवन रक्षाका लागि प्रहरी सदैव दृढ संकल्पित रहेको उल्लेख गरे। प्रहरी संगठनलाई अझ व्यावसायिक, पेसागत, स्रोत साधनयुक्त, प्रविधियुक्त बनाउनुपर्ने चर्चा गर्दै उनले प्रहरी कर्मचारीको मनोबल विकासका लागि प्रभावकारी तवरले काम गर्नुपर्नेमा जोड दिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787645626.png)
-1787643624.jpg)
-1786602170.png)
-1786513116.png)
