काठमाडौं- गृह मन्त्रालयले पश्चिम नवलपरासी बर्दघाटमा कार्यरत प्रहरी निरीक्षक (इन्स्पेक्टर) कपिल वाग्लेको दुर्घटनामा मृत्यु भएको घटनाबारे छानबिन गर्न समिति बनाएको छ।
शुक्रबार मन्त्रालयले एक विज्ञप्ति जारी गर्दै घटनाबारे छानबिन गर्न तीन सदस्यीय समिति गठन गरेको जानकारी दिएको हो।
गत २५ साउनमा बर्दघाट नगरपालिका- ४ स्थित ईलाका प्रहरी कार्यालय अगाडी पूर्व-पश्चिम राजमार्गमा लु १४ प ८७५८ नम्बरको मोटरसाइकलले उनलाई ठक्कर दिएको थियो।
ठक्करपछि गम्भीर घाइते भएका उनलाई उपचारको लागि चिसापानी सामुदायिक अस्पताल, बर्दघाटमा सामान्य उपचार पश्चात थप उपचारको लागि मेडिकल कलेज भैरहवा रुपन्देही पठाइएको थियो। उनको उपचारकै क्रममा मृत्यु भएको हो।
यस घटनाको छानबिन गर्न मन्त्रालयका सहसचिव सुनील खनालको संयोजकत्वमा राष्ट्रिय अनुसन्धान विभागका अनुसन्धान निर्देशक लक्ष्मण गुरूङ र प्रहरी वरिष्ठ उपरीक्षक सुदीप गिरीको समिति गठन भएको मन्त्रालयले जनाएको छ।
यसको स्थलगत अध्ययन गरी सत्यतथ्य छानबिन गरी १० दिनभित्र प्रतिवेदन पेश गर्न मन्त्रालयले निर्देशन दिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1779634726.png)
-1764146706.png)
-1775812183.jpg)
-1779545841.jpg)
