काठमाडौं- सिन्धुपाल्चोकमा लुटपाट गरेको आरोपमा दुई जना पक्राउ परेका छन्। चौतारा साँगाचोकगढी नगरपालिका–४ बस्ने २० वर्षीय राम तामाङ र २१ वर्षीय सरोज श्रेष्ठलाई प्रहरीले बिहीबार चौताराको चाँगुटोलबाट पक्राउ गरेको हो।
तामाङ र श्रेष्ठले चौताराबाट घर जाँदै गरेका जुगल गाउँपालिका– ३ का पासलाल तामाङसहित उनका चार जना साथीलाई साउन २६ गते दिउँसो २ः ४५ बजे नौबिसे बलेफी पक्की सडकखण्डमा मोटरसाइकलमा आएर कुटपिट गर्दै लुटपाट गरेका थिए।
नक्कली पेस्तोलसमेत देखाइ कुटपिट गरी नौ लाख ८९ हजार नगदसहित महत्वपूर्ण कागजात लुटपाट गरी फरार भएका उनीहरूलाई बा ९९ प ३६७२ नंको मोटरसाइकलसहित पक्राउ गरिएको जिल्ला प्रहरी कार्यालय सिन्धुपाल्चोकका सूचना अधिकारी प्रहरी नायब उपरीक्षक दक्षकुमार बस्नेतले जानकारी दिए।
घटनामा प्रयोग भएका थप तीनवटा मोटरसाइकल लुकाइछिपाइ राखेको अवस्थामा चौतारा साँगाचोक गढी नगगरपालिका–४ को ठूलाखेतबाट बरामद गरिएको छ।
पक्राउ परेका दुई जनालाई डाँका चोरी मुद्दामा सिन्धुपाल्चोक जिल्ला अदालतबाट दिन सात दिनको म्याद थप गरी थप अनुसन्धान कार्य सुरु गरिएको बस्नेतले बताए। अन्य फरार व्यक्तिको खोजतलास जारी रहेको पनि प्रहरी नायब उपरीक्षक बस्नेतले जानकारी दिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
