काठमाडौं– बैंकिङ कसुर मुद्दामा ३९ लाख रुपैयाँ जरिवाना तोकिएका व्यक्ति १ वर्षपछि पक्राउ परेका छन्।
पक्राउ पर्नेमा काठमाडौंको बुढानीलकण्ठ नगरपालिका-३ पन्चकन्या मार्ग बस्ने ६२ वर्षीय ठाकुर प्रताप थापा रहेका छन्। थापालाई प्रहरीको केन्द्रीय अनुसन्धान ब्यूरो (सीआईबी)को टोलीले मंगलबार काठमाडौंको चक्रपथबाट पक्राउ गरेको हो।
सीआईबीका अनुसार थापाविरुद्ध उच्च अदालत पाटनले ३ भदौ २०७६ मा ३९ लाख ९६ हजार ४ सय रुपैयाँ जरिवानाको सजाय सुनाएको थियो।
थापाले २०७६ सालमा आफ्नो खातामा पर्याप्त मौज्दात रकम नभएको भन्ने जानी जानी झुक्याएर देव विकास बैंकमा रहेको खाताबाट भुक्तान हुने गरी पीडितहरूलाई ३९ लाख रुपैयाँ बराबरको चेक काटेर दिएका सीआईबीले जानकारी दिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1775575666.png)
