एसएमजी र पेस्तोल देखाएर गहना पसलमा लुटपाट गर्न खोज्ने ६ जना पक्राउ

सुरक्षा/अपराध

नेपाल लाइभ बुधबार, साउन १३, २०७८ १८:४४

विराटनगर– मोरङको सुन्दरहरैँचा नगरपालिका-१० त्रिबेणी चोककको गहना पसलमा हतियार देखाइ लुटपाट गर्ने खोज्ने ६ जनालाई मोरङ प्रहरीले पक्राउ गरेको छ। स्थानीय खगेन्द्र थापाको शिव पञ्चायन ज्वेलर्समा हतियार देखाइ लुटपाट गर्न खोजेको अभियोगमा बुधबार बिहान प्रहरीले ६ जनालाई पक्राउ गरेको हो।

पक्राउ पर्नेहरुमा सुनसरीको इटहरी उपमहानगरपालिका-२० तरहरा डेरा गरी बस्नेहरु संखुवासभा सभापोखरी गाउँपालिका-४ घर भएका ३९ वर्षीय प्रकाश भन्ने चन्द्र बहादुर राई, संखुवासभा बारबिसे गाउँपालिका-६ घर भएका ३० वर्षीय चिरञ्जिवि राई, भोजपुर पौवादुम्मा गाउँपालिका-३ घर भएका ३० वर्षीय नगेन्द्र राई, सुनसरी गढी गाउँपालिका-१ बस्ने ४५ वर्षीय डाईमण्ड भन्ने प्रमोद चौधरी, मोरङ सुन्दरहरैचा नगरपालिका-५ बस्ने २२ वर्षीय मिशन राई र मोरङ सुन्दरहरैचा नगरपालिका-७ बस्ने ३१ वर्षीय सन्तोष राई रहेका छन्।

प्रहरीका अनुसार असार ३१ गते मोटरसाइकलमा आएका ६ जनाले ज्वेलर्समा लुटपाट गर्न खोजेका थिए। तर, लुटपाटको योजना सफल नभएपछि उनीहरु वुढी खोलाको बाटो हुँदै इटहरीतर्फ गएका थिए।

गहना पसल लुटपाट गर्नका लागि लगेको हतियार उनीहरुले नमूना सामुदायिक वन जंगलमा रूखको टोड्कोमा लुकाइ छिपाइ राखेका थिए। त्यसपछि उनीले साउन १ गते दिउँसो फेरि उक्त ज्वेलर्समा लुटपाट गर्ने उद्देश्यले हतियारसहित प्रमोद चौधरी लगायत ३ जना प्रवेश गरेका थिए। अन्य ३ जनाले गहना पसलको निगरानी गरेका प्रहरी अनुसन्धानबाट खुलेको छ।

प्रहरीका अनुसार उनीहरुले सुन्दरहरैँचा नगरपालिका-५ नमुना सामुदायिक वनमा करमको रूखको टोड्कोभित्र लुकाई राखेको अवस्थामा घटनामा प्रयोग भएका १ थान एसएमजी (सर्ट मेसिन गन), सोको १ थान म्याग्जिन, ६२ राउण्ड गोली, १ थान अटोमेटिक पेस्तोल, सोको १ थान म्याग्जिन, २ राउण्ड गोली, १ थान कटुवा पेस्तोल, थ्रीनटथ्री राइफलको ४ राउण्ड गोली र २ थान संचार सेट बरामद भएको छ।

साथै उनीहरुको साथबाट को २ ह २७३६ नम्बरको अटो रिक्सा, प्रदेश १-०२-०४४ प ५९९५ मोटरसाईकल, को २० प १८६ मोटरसाईकल, को ८ प ६५८३ मोटरसाईकल, को २१ प ६७०३ मोटरसाईकल, ८ थान मोबाइल र नगद १६ हजार १ सय रुपैयाँ समेत प्रहरीले बरामद गरेको छ ।

पक्राउ परेकाहरुलाई हिरासतमा राखेर उनीहरुमाथि थप अनुसन्धान भइरहेको जिल्ला प्रहरी कार्यालय मोरङले जानकारी दिएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

आजको मौसमः देशका पहाडी भू–भागमा आंशिक बदली, वर्षाको सम्भावना

बार्सिलोनाले जित्यो २८ औँ पटक स्पेनिस ला लिगाको उपाधि

बनस्थलीबाट माइक्रोबस चोरेर धादिङ पुर्‍याउने व्यक्ति पक्राउ