फाइल तस्वीर।
पाल्पा- तिनाउ गाउँपालिकाको डुम्रे नजिकै गएराति पहिरोले एस्काभेटर पुरिँदा एक व्यक्तिको मृत्यु भएको छ।
पहिरोले पुरिएर मृत्यु हुनेमा बर्दियाको बाँसगढी नगरपालिका-३ घर भई हाल डुम्रेमा बसोबास गर्ने २७ वर्षीय महेन्द्र पुन रहेका छन्। पुनको लुम्बिनी मेडिकल कलेज प्रभासमा उपचारका क्रममा गएराति नै मृत्यु भएको जिल्ला प्रहरी कार्यालयका सूचना अधिकारी रामेश्वर त्वातीले बताए।
हिलोमा फसेको लु ४ त ६६२९ नम्बरको ट्र्याक्टर निकाल्ने क्रममा माथिबाट पहिरो खस्दा ट्र्याक्टर र दुई एस्काभेटर पुरिएका थिए। पहिरोले पुरिएर लु १ क २४९६ नम्बको एस्काभेटर चालक पाल्पा रैनादेवी-छहरा गापा-१ बस्ने २० वर्षीय सरोज बुढा घाइते भएको सूचना अधिकारी त्वातीले बताए।
बुढाको अहिले लुम्बिनी मेडिकल कलेजमा उपचार भइरहेको छ। यस्तै, अर्को लु १ क २४९७ नम्बरको एस्काभेटर चालक र सहचालक पहिरोबाट जोगिएका छन्।
तिनाउँ गापा-६ डुम्रेस्थित भित्र कच्ची सडकखण्डमा डुम्रेबाट होलीघाटतर्फ ढुङ्गा लोड गरी जाँदै गरेको ट्र्याक्टर हिलोमा फसेपछि दुई एस्काभेटरले निकाल्न खोज्दा पहिरोले पुरिएको सूचना अधिकारी त्वातीले बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764510879.png)
-1764146706.png)
-1763721444.png)
-1763559424.jpg)
-1764080971.png)
