काठमाडौं– प्रधानमन्त्री कप एकदिवसीय राष्ट्रिय क्रिकेट प्रतियोगिताको शनिबार भएको खेलमा प्रदेश ७ र सशस्त्र प्रहरीको एपिएफ क्लबले जित हात पारेका छन्। विजयी भएका छन् ।
कीर्तिपुर मैदानमा भएको खेलमा प्रदेश नम्बर ७ ले प्रदेश ३ लाई २ विकेटले हरायो भने मुलपानीमा एपिएफले प्रदेश १ लाई ९ विकेटको फराकिलो अन्तरले पराजित गर्यो।
कीर्तिपुरम भएको खेलमा प्रदेश ३ ले दिएको १ सय १७ रनको सामान्य लक्ष्य पछ्याएको प्रदेश ७ ले ३९.४ ओभरमा ८ विकेट गुमाएर लक्ष्य भेट्टायो।
प्रदेश ७ का लागि सन्जु धामीले २५, विजय रानाले २४ र अरुण ऐरीले २१ रन जोडे। प्रदेश ३ का जितेन्द्र ठकुरी र सागर ढकालले २–२ बिकेट लिए। किशोर महतो, प्रतिश जीसी र सन्जय बस्नेतले १–१ विकेट लिए।
टस जितेर ब्याटिङ गरेको प्रदेश ३ ले ३३.३ ओभरमा १ सय १६ रन बनाउँदा सवै विकेट गुमायो। जितेन्द्रसिंह ठकुरीले सर्वाधिक ४० रन बनाए भने सोनु तामाङले २९ र सञ्जय बस्नेतले १० रन जोडे । अन्य ब्याट्सम्यानले दोहोरो अंकको रनसमेत बनाउन सकेनन्।
बलिङमा प्रदेश ७ का शेर मल्लले ४ विकेट लिए । उनी खेलको म्यान अफ द म्याचसमेत बने । विकास ग्रीले ३ विकेट लिए भने विनोद लामाले १० ओभरमा पाँच मेडन राख्दै १ विकेट लिएर उत्कृष्ट बलिङको नमूना प्रस्तुत गरे।
यता मूलपानी क्रिकेट मैदानमा भएको खेलमा एपिएफले प्रदेश नम्बर १ लाई ९ विकेटले हरायो। एपीएफको जितपछि प्रदेश १ को सेमिफाइनल पुग्ने सम्भावना सकिएको छ। चार खेलबाट प्रदेश १ दुई अंक जोड्दै पुछारमा छ । चार अंक बनाएको एपीएफले भने सेमिफाइनल पुग्ने सम्भावना बलियो बनाएको छ। आर्मीको पनि चार अंक नै छ।
वर्षाका कारण खेल निर्धारित समय भन्दा एक घण्टा ढिला भएपछि ४५ ओभरमा छोट्याइएको थियो। टस हारेर ब्याटिङको निम्तो पाएको प्रदेश १ ले ४७ ओभरमा १ सय २७ रनमा बनाउदा सवै विकेट गुमायो। उसका लागि सन्दीप ढुंगानाले २९, मनिष थापाले २७, कप्तान पुष्प थापाले २०, सन्नी पुनले ११ र बिबेक मेहताले १० रनको योगदान दिएका थिए।
बलिङमा एपिएफका अमरसिंह रौटेला, करण केसी, भुवन कार्की र बसन्त रेग्मी सबैले २–२ विकेट लिए।
१ सय २८ रनको लक्ष्य एपीएफले १६.३ ओभरमा १ विकेट गुमाउँदै भेट्टायो। एपिएफलाई जिताउन अनिलकुमार साह र पृथु बाँस्कोटाले एक सय रनको अविजित साझेदारी गरे। ३० रनको अवस्थामा प्रदीप ऐरी ब्यक्तिगत २३ रनमा क्याचआउट भएपछि बाँस्कोटा र साहले दोस्रो विकेटका लागि साझेदारी गरेका थिए। साहले ६२ रन बनाउँदा बाँस्कोटाले ३२ रन जोडे ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
