काठमाडाैं- घरेलु टाेली इङ्ल्यान्डलाई पेनाल्टी सुटआउटमा पराजित गर्दै इटालीले युरोकप २०२० को उपाधि जितेको छ।
सोमबार बिहानलण्डनस्थित वेम्बली स्टेडियममा सम्पन्न खेल निर्धारित समयमा १-१ काे बराबरीमा सकिएपछि अतिरिक्त समयमा धकेलिएकाे थियाे। अतिरिक्त समयमा पनि गाेल नभएपछि खेलकाे छिनाेफानाे पेनाल्टी सुटआउटबाट गरिएकाे हाे।
पेनाल्टी सुटआउटमा इङ्ल्यान्डलाई ३-२ ले हराउँदै इटालीले दाेस्राेपटक युराेकपकाे उपाधि उचाल्यो।
पेनाल्टी सुटआउटमा इटालीका मार्को भेराट्टी, लिओनार्दो बोनुची र फेडेरिको बेर्नाडेस्चीले गाेल गरे। यता, इटालीका आन्द्रे बेलोट्टीको प्रहारलाई इंङ्ग्लिस गोलरक्षक पिकफोर्डले विफल पारेका थिए।
जर्जिन्होकाे प्रहार भने पाेलमा लाग्यो।
पेनाल्टी सुटआउटमा इङ्ल्यान्डका कप्तान ह्यारी केन र ह्यारी मगाएरले गाेल गरे। तर, जाडोन सान्चो र साका बाकुयोकाे प्रहारलाई इटालियन गोलरक्षक डोन्नरुम्माले विफल पारे।
यस्तै, मार्कस रासफोर्डकाे प्रहार पाेस्टमा लाग्न पुग्याे। युरोकपमा सन् १९७६ पछि पहिलोपटक उपाधिको टुंगो पेनाल्टी सुटआउटबाट लागेकाे हाे।
त्यसअगाडि खेलको दोस्रो मिनेटमा लुक शाले गोल गर्दै इङ्ल्यान्डलाई अग्रता दिलाएका थिए।
किएरन ट्रिपिएरले फार पाेस्टमा दिएकाे लामाे पासलाई अनमार्कमा रहेका शाले बल नियन्त्रणमा लिँदै गरेकाे प्रहार इटालीका डिफेन्डर र गाेलरक्षकलाई बिट गर्दै गाेलमा परिणत भएकाे थियाे।
प्रशिक्षक ग्यारेथ साउथगेटले रणनीतिमा परिवर्तन गर्दै विंगर साकाको स्थानमा डिफेन्डर ट्रिपिएरलाई पहिलो रोजाइमा उतारेका थिए। उनी वाल्कर राइट ब्याकबाट सेन्टर ब्याक खेल्नेछन्।
यता, शा युरोकप फाइनलमा सबैभन्दा छिटो गोल गर्ने खेलाडी बने। उनले इटालीविरूद्व १ मिनेट ५६ सेकेन्डमा गोल गरेका थिए। यसअघि सन् १९६४ को युराेकप फाइनलमा स्पेनका चुस पेरेडाले ५ मिनेट १७ सेकेन्डमा गोल गरेका थिए।
सबैखाले फुटबल प्रतियाेगितमा भने याे पाँचौ छिटो गोल हो। रसियाका डिमिट्री किरिछेन्कोले ग्रिसबीच २००४ मा भएकाे खेलमा १ मिनेट ७ सेकेन्डमा गाेल गरेका थिए।
यस्तै,६७औं मिनेटमा इटाली खेलमा फर्कियाे। हुलमुलमा मार्को भेराट्टीले गरेकाे लाे हेडर गाेलरक्षक जोर्डन पिकफर्डले बचाउने क्रममा पाेलमा लागेर फर्किएपछि उनको नजिकै रहेका बोनुचीले बललाई फस्ट टचमा जाली चुमाएका थिए।
इटालीका लागि १०९औं खेल खेलिरहेका बोनुचीकाे याे ८औं गाेल हाे। उनकाे जारी प्रतियाेगितामा भने पहिलाे गाेल हाे।
बोनुचीले अन्तिम पटक २०१९ मा ग्रिसविरुद्ध गाेल गरेका थिए।
योसँगै पहिलोपटक युरोकपको फाइनलमा पुगेको इङ्ल्यान्ड उपाधि चुम्न चुकेकाे छ। सन् १९६६ मा विश्वकपको उपाधि जितेको इङ्ल्यान्ड ५५ वर्षपछि पहिलाेपटक फाइनलमा पुगेकाे थियाे।
यता, इटलीले दोस्रो पटक युरो कपको उपाधि जितेको छ। इटाली सन् १९६८ मा घरेलु मैदानमा युगोस्लाभियालाई हराउँदै च्याम्पियन बनेको थियो।
यस्तै, पछिल्लोपटक २०१२ मा इटालीले फाइनल खेलेको थियो। जहाँ इटालीले स्पेनलाई ४–० ले नतिजा सुम्पिएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1771141186.png)
-1771137528.png)
-1764146706.png)
-1770562345.jpg)
