काठमाडौं– दक्षिण र पश्चिम एसियाका १४ देशको छुट्टै फुटबल महासंघ बनाउनका लागि साउदी अरेबियामा भेला गरिएको छ। साउदी अरेबियाको पहलमा बिहीबार पहिलो चरणको भेला आयोजना गरिएको हो। जहाँ दक्षिण पूर्वी फुटबल महासंघ (एसडब्लुएएफएफ, SWAFF) बनाउने विषयमा छलफल भएको थियो।
नेपालसहित आयोजक साउदी अरेबिया, पाकिस्तान, श्रीलंका, भारत, बंगलादेश, बहराइन, माल्दिभ्स, यमन, कुवेत, ओमान र युएईका फुटबल संघका प्रतिनिधि छलफल सहभागी थिए।
नेपालको तर्फबाट अखिल नेपाल फुटबल संघ (एन्फा) का अध्यक्ष कर्माछिरिङ शेर्पा भेलामा सहभागी थिए। 'दक्षिण र पश्चिम एसियाका १४ देशको छुट्टै फुटबल महासंघ बनाउने विषयमा पहिलो चरणको छलफल भएको हो, ' साउदी अरेबियाबाट शुक्रबार नेपाल फर्किएका शेर्पाले भने। शेर्पाका अनुसार एसडब्लुएएफएफको आगामी अगस्ट १४ मा साधारणसभा बस्नेछ। त्यसअघि एसियाली फुटबल महासंघ (एएफिसी) सँग संघ बनाउन अनुमति लिने काम र विधान बनाइउने काम हुनेछ।
एफएफसीका अध्यक्ष शेख सालामन बिन इब्राहिम अल खालिफले पनि एसडब्लुएएफएफ गठनको विषयमा गत साता छलफल गरेका थिए। उनले एसडब्लुएफएफ गठनका लागि एएफसीको सहयोग समेत बचन दिएका थिए।
हाल एएफसीअन्तर्गत पश्चिम, दक्षिण, केन्द्र, पूर्व र सुदूरदक्षिण एसिया जोन गरी पाँच क्षेत्रीय महासंघ छन्।
एन्फा अध्यक्ष शेर्पाले एसडब्लुएएफएफ गठन भएमा नेपालले फाइदा लिन सक्ने बताए। 'हामी दक्षिण एसियाबाट बाहिर जान सक्नेछौं। प्रतियोगिता बढी खेल्न पाउनेछौं। जसले हामीलाई फाइदा पुग्नेछ,' शेर्पाले भने।
हाल एएफसीमा ४७ सदस्य राष्ट्र छन्। जसमध्ये पाँच देश रसिया विश्वकपमा लागि छनोट भएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1781580295.jpg)
-1786602170.png)
