काठमाडौं– प्रधानमन्त्री कप एकदिवसीय राष्ट्रिय क्रिकेट प्रतियोगितामा त्रिभुवन आर्मी क्लबले लगातार दोस्रो जित हात पारेको छ। आर्मीले समूह 'ए' शुक्रबार भएको खेलमा आर्मीले प्रदेश नम्बर १ लाई १ सय ६ रनको फराकिलो अन्तरले पराजित गरेको हो।
यसअघि आर्मीले बिहीबार भएको आफ्नो पहिलो खेलमा प्रदेश नम्बर २ लाई डिएल मेथडमा ५५ रनले पराजित गरेको थियो।
शुक्रबार पनि खेल प्रभावित भएपछि ४५ ओभरमा छोट्याइएको थियो। टस हारेर पहिले ब्याटिङ गरेको आर्मीले ४५ ओभरमा ९ विकेट गुमाएर २ सय २५ रन बनायो। आर्मीका लागि आठौं नम्बरमा ब्याटिङमा आएका कप्तान विनोद भण्डारीले २९ बलमा ६४ रन जोडे। उनले आउट हुनुअघि ४ चौका र ६ छक्का प्रहार गरे।
ओपनर सागर पुन ८ रनमै आउट भएपछि आएका नरेश बुढायरले अर्का ओपनर अनिल मण्डलसँग मिलेर ५२ रनको साझेदारी गरे। मण्डल ३६ रनमा आउट भएपछि आएका राजु रिजालले पनि ४ रनमात्र बनाउन सके। चौथो विकेटमा रुपमा नरेश बुढायर व्यक्तिगत ३२ रनमा आउट हुँदा आर्मीले २५.१ ओभरमा ८८ रन बनाएको थियो।
मध्यक्रममा आर्मीका भीम सार्कीले १४ र सोमपाल कामीले २२ रन जोडे। त्यसपछि आठौं नम्बरमा ब्याटिङमा आएका भण्डारीले विष्फोटक पारी खेल्दै इनिङ उकासे। अन्तिम ओभरको पाँच बलमा भण्डारीले सबै बल बाउण्ड्री कटाएका थिए। जसमा तीन चौका र २ छक्का थियो। आर्मीका लागि विक्रम सोवले पनि १६ रन जोडेका थिए।
बलिङतर्फ प्रदेश नम्बर १ का मनोज तामाङले ३ विकेट लिँदा मिनास थापा र फिर्दोस अन्सारीले २–२ विकेट लिए ।
२ सय २६ रनको लक्ष्यसहित जवाफी ब्याटिङमा उत्रिएको प्रदेश नम्बर १ ले २९.३ ओभरमा १ सय १९ रन जोड्दा सवै विकेट गुमायो। उसका लागि कप्तान पुष्प थापाले ५९ र राजन मगरले २४ रन जोड्नुबाहेक अन्य खेलाडीले दोहोरो अंकको रन छुन सकेनन्।
बलिङतर्फ आर्मीका सुशन भारीले ४ विकेट लिए। ६.३ ओभरमा बलिङ गरेका उनले १ मेडनसहित १५ रन खर्चिए। त्यस्तै सोमपाल कामी, सागर पुन र साहव आलमले पनि २–२ विकेट लिए।
यता प्रतियोगिताको समूह 'बी' अन्तर्गत मूलपानी मैदानमा हुनुपर्ने नेपाल पुलिस s
a र प्रदेश नम्बर ६ बीचको खेल वर्षाका कारण मैदानमा पानी जमेपछि टस पनि नभई स्थगित गरिएको छ । खेल स्थगित भएपछि दुवै टिमले १–१ अंक बाँडेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1790561542.webp)
-1786602170.png)
