काठमाडौं– प्रधानमन्त्री कप एकदिवसीय राष्ट्रिय क्रिकेट प्रतियोगितामा आर्मीले विजयी सुरुवात गरेको छ। समूह 'ए' मा रहेको आर्मीले आफ्नो पहिलो खेलमा प्रदेश नम्बर २ लाई डिएल मेथडमा ५५ रनले पराजित गर्यो।
बिहीबार कीर्तिपुरस्थित टियू मैदानमा टस जितेर पहिले ब्याटिङ गरेको आर्मी ३ बल खेल्न बाँकी छदा २ सय ४४ रनमा अलआउट भयो। आर्मीका लागि मध्यक्रममा ब्याट्सम्यान राजु रिजालले ५० रनको योगदान दिए। उनले ८५ बल खेल्दा ५ चौका र १ छक्का प्राहर गरे। राजेश पुलामीमगरले ४० र सोमपाल कामीले ४१ रनको योगदान दिए । कप्तान विनोद भण्डारीले २३ रनमा आउट भए।
बलिङमार प्रदेश २ का दिब्यांशु मल्लिकले ३ विकेट हात पारे। रासिद खान, सांसद शेख र कप्तान मेहबुब आलमले २–२ विकेट लिए ।
२ सय ४५ रनको लक्ष्य पछ्याएर प्रदेश नम्बर २ ले ब्याटिङ गरिरहदा खेल वर्षाले रोकियो। ८ ओभरमा रोकिएको खेल १ घण्टापछि सुरु भएको थियो। जसअनुसार खेल ४० ओभरमा छोट्याइयो र प्रदेश २ लाई २ सय ३८ रनको नयाँ लक्ष्य दिइयो । तर, प्रदेश नम्बर २ ले ४० ओभरमा ९ विकेट गुमाएर १ सय ८२ रनमात्र बनाउन सक्यो।
प्रदेश २ का लागि हरिशंकर साह ३४ रन र हसिम अन्सारी २८ रनको योगदान दिए। नवौं विकेटका लागि रशिद खान र सुरज पटेलले ४३ रनको साझेदारी गरेपछि प्रदेश २ का लागि नयाँ आशा पलाएको थियो । तर रसिद ३४ रनमा आउट भए। पटेल ४८ रनमा नटआउट रहे।
बलिङतर्फ आर्मीका सोमपाल कामीले ३ विकेट लिए। सुशान भारी, सागर पुन र साहव आलमले २–२ विकेट लिए। सोमपाल खेलको म्यान अफ द म्याच चुनिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787821304.jpg)
-1786602170.png)
