एजेन्सी– जिनेदिन जिदानले स्पेनिस क्लब रियल म्याड्रिडको प्रशिक्षक पद त्याग गर्ने घोषणा गरेका छन्। रियललाई तेस्रो पटक युरोपियन च्याम्पियन्स लिगको उपाधि जिताएको पाँच दिन पछि जिदानले प्रशिक्षक पद त्याग्ने घोषणा गरेका हुन्।
उनले पत्रकार सम्मेलनमार्फत सवैक कुरा परिवर्तन भएकाले रियलको प्रशिक्षक पदबाट राजीनामा दिने बताएका हुन्।
उनी सन् २०१६ को जनवारीमा रियलको प्रशिक्षक बनेका थिए। त्यसपछि उनले लगातार तीन सिजन क्लबलाई युरोपकै सर्वाधिक ठूलो प्रतियोगिता जिताएका थिए।
फ्रान्सका पूर्व राष्ट्रिय खेलाडी जिदानले राफायल बेनिटिजको स्थानमा रियलको प्रशिक्षण सम्हालेका थिए। त्यसयता ४५ वर्षीय जिदानले १ सय ४९ खेलमा १ सय ४ खेलमा जित निकलान सफल भएका थिए भने ९ वटा उपाधि उचाल्न सफल भए। सिजनको ला लिगामा भने रियल तेस्रो स्थानमा सीमित भएको थियो। कोपा डेल रेमा क्वार्टरफाइनलमै पराजित भएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787821304.jpg)
-1786602170.png)
