काठमाडाैं– इंग्ल्याण्ड जारी युराेकप २०२० काे क्वार्टरफाइनलमा प्रवेश गरेकाे छ।
लण्डनस्थित वेम्बली स्टेडियममा भएकाे खेलमा घरेलु टाेली इंग्ल्याण्डले ३ पटककाे युराेकप विजेता जर्मनीमाथि २–० काे जित निकाल्दै अन्तिम ८ काे यात्रा तय गरेकाे हाे।
इंग्ल्याण्डकाे जितमा रहिम स्टर्लिङ र कप्तान ह्यारी केनले एक-एक गाेल गरे। दुवै टोलीले गोलको अवसर सदुपयोग गर्न नसक्दा प्रतिस्पर्धात्मक खेल पहिलाे हाफ बराबरीमा नै सिमित रहेकाे थियाे।
यद्यपि, इंग्ल्याण्डले दाेस्राे हाफमा आक्रामक खेल्दै ७५औं मिनेटमा अग्रता लियाे। लुक शले बायाँ विंगबाट गरेको लो-क्रसमा दुई डिफेन्डरसँगै गोलरक्षक नोएर बिट भएपछि स्टर्लिङले सहजै गोल गरेका थिए।
यस्तै, ८६औं मिनेटमा कप्तान ह्यारी केनले गाेल गर्दै २–० काे जित पक्का गरे। लुक शले मिडफिल्डर सर्गी गनाब्रीबाट बल खोस्दै वैकल्पिक खेलाडी ज्याक ग्रिलिसलाई दिएका थिए। उनकाे क्रसमा केनले डाइभिङ हेड गोल गरे। याे उनकाे जारी युरोकपमा पहिलो गोल हाे।
त्यसअगाडी खेलकाे १६औं मिनेटमा स्टर्लिङले पेनाल्टी क्षेत्र बाहिरबाट गरेको प्रहारलाई जर्मनीका गोलकिपर कप्तान म्यानुएल नोएरले बचाए। नोएरले आफ्नो बायाँतर्फ डाइभ दिँदै स्टर्लिङको प्रहार विफल पारेका थिए।
१७औं मिनेटमा ह्यारी मगाएरको हेडर सिधै गोलरक्षक नोएरको हातमा पुगेको थियो। २७औं मिनेटमा ट्रीपिएरको क्रसमा मगाएरको फितलो हेडरले पोस्टको दिशा लिन सकेन।
३२औं मिनेटमा काइ हाभर्ट्जको पासमा टिमो वेर्नरले वन भर्सेस वनको स्थितिमा पेनाल्टी क्षेत्र भित्रबाट गरेको प्रहारलाई गोलरक्षक जोर्डन पिकफर्डले विफल पारे।
४८औं मिनेटमा पिकफर्डले उत्कृष्ट बचाउ गर्दै जर्मनीलाई अघि बढ्न दिएनन्। हाभर्ट्जले पेनाल्टी क्षेत्र भित्रबाट प्रहार गरेको हाफ भलीलाई पिकफर्डले डाइभ गर्दै पोस्टमाथि पन्च गरे।
८१औं मिनेटमा थोमस मुलरले वन भर्सेस वनको स्थितिमा गोल गर्ने सुवर्ण अवसर चुकाउँदा जर्मनीले खेल बराबर गर्न सकेन।
स्टर्लिङले दिएको ब्याक पासलाई हाभर्ट्जले नियन्त्रणमा लिँदै मध्यभागबाट मुलरलाई दिएका थिए। अफसाइड ट्रयाप गरेको उत्कृष्ट पासलाई मुलरले पोस्टको दिशा दिन सकेनन्।
यो नतिजासँगै उपाधि दाबेदार मानिएको अर्को टिम प्रतियोगिताबाट बाहिरिएको छ। यसअघि दाबेदार मानिएका फ्रान्स, पोर्चुगल, नेदरल्याण्ड्स् पनि बाहिरिइसकेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1788940058.jpg)
-1786602170.png)
