काठमाडाैं- फ्रान्सले टोकियो २०२० ओलम्पिकका लागि बलियो टोली घोषणा गरेको छ। प्रशिक्षक सिल्भेन रिपोलले सुपरस्टार युवा फरवार्ड केलियन एमबाप्पेलाई बाहिर राख्दै शुक्रबार १८ सदस्यीय टोलीको घोषणा गरेका हुन्।
उमेर हदबन्दीका बाबजुद एमबाप्पे ओलम्पिक खेल्न योग्य रहेपनि उनी टोलीमा अटाउन सकेनन्। उनी २२ वर्षका भए।
विश्व फुटबलको सर्वाेच्च निकाय (फिफा)ले गत वर्ष २३ पुगेकालाई टोलीमा समेट्न पाउने नियम बनाएको थियाे। ओलम्पिकमा साधारणतय २३ वर्षमुनिका खेलाडी टोली रहने गरेका छन्। यसमा तीन खेलाडी बढी उमेरका राख्न पाउने प्रावधान रहेको छ।
एमबाप्पे अहिले युरोपेली च्याम्पियनसिपमा व्यस्त छन्। फ्रान्सले प्रि–क्वाटरफाइनलमा स्विट्जरल्यान्डसँग २८ जुनको राति खेल्दैछ।
फ्रान्सले १९८४ मा ब्राजिललाई हराएर स्वर्ण जितेको थियो। गत संस्करणमा ब्राजिलले जर्मनीलाई हराएर पहिलोपटक ओलम्पिकमा स्वर्ण जित्न सफल भएको थियो।
ओलम्पिकको पुरुषतर्फको फुटबलमा १६ टोलीको सहभागिता रहेको छ। सहभागी टोलीलाई चार समुहमा विभाजन गरिएको छ। समूह ‘ए’ फ्रान्ससँगै जापान, दक्षिण अफ्रिका र मेक्सिको रहेका छन्। ओलम्पिकको स्वर्णपदकको खेल ७ अगस्टमा योकोहामामा हुनेछ।
समूह ‘बी’ मा न्युजिल्यान्ड, दक्षिण कोरिया, होन्डुरस र रोमानिया रहेका छन्।समुह ‘सी’ मा इजिप्ट, स्पेन, अर्जेन्टिना र अष्ट्रेलिया तथा समूह ‘डी’ मा ब्राजिल।
जर्मनी, आइभोरी कोस्ट र साउदी अरेबिया रहेका छन्। ओलम्पिक अन्तर्गत फुटबल २१ जुलाईदेखि ७ अगस्टसम्म हुनेछ।
फान्सको टोली
गोलरक्षक – पउल बर्नारडोनी र गोउटिएर लार्सननिएर
डिफेन्डर – बेनोइट बाडियसिल, एन्थोनी कासी, पिएरे कालुलु , क्लेमेन्ट मिचेलिन, विलियन सालिवा र मालाङ सार
मिडफिल्डर – इडुआर्डाे कामाभिंगा, म्याक्सिन काकुरेट, जोनाथन कोन, तेजी साभानिएर, फ्लोरिएन थाउभिन र लुकास टोउसार्ट
फरवार्ड – आन्द्रे पिएरे जिनाक, एमिन गुइरी, रान्डल कोलो मुएनी र अर्नाेउ नोरदिन
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1781240272.png)
-1764146706.png)
