युरोकप : आज दुई खेल, समूह ए बाट कुन देश पुग्ला अघिल्लो चरणमा?

फुटबल

नेपाल लाइभ आइतबार, असार ६, २०७८ ०९:४५

काठमाडौं– जारी युरोकप फुटबल अन्तर्गत आज (आइतबार)देखि समूह चरणका अन्तिम खेल सुरु हुँदै छ।समूह चरण अन्तर्गत आज समूह ’ए’ को दुई खेल हुनेछ। आज हुने खेलमा अघिल्लो चरणमा प्रवेश गरिसकेको इटाली वेल्ससँग खेल्दै छ भने स्वीजरल्याण्ड र टर्की एकआपसमा भिड्दै छन्। दुबै खेल नेपाली समय अनुसार राति ९ः४५मा एकै समयमा हुनेछ।

इटाली र वेल्सचिको खेल रोममा हुनेछ भने स्वीजरल्याण्ड र टर्कीबीचको बाकुमा हुनेछ।अघिल्ला दुवै खेलमा जित निकालेको इटाली आज समूहचरणको अन्तिम खेलसमेत जित्दै समूह विजेता बन्न चाहन्छ। २ खेलबाट ६ अंक जोडेको इटाली हाल पनि शीर्ष स्थानमा रहेको छ।

आफ्नो पहिलो खेलमा टर्कीलाई ३–० ले हराएको इटालीले दोस्रो खेलमा स्विजरल्याण्डलाई पनि ३–० गोल अन्तरले नै हराएको थियो।

यता वेल्स भने इटालीलाई हराएर नकआउट चरणमा पुग्न चाहन्छ। वेल्सका लागि आजको खेल महत्वपूर्ण रहेको छ।यसअघिका २ खेलबाट ४ अंक जोडेको वेल्स समूहको दोस्रो स्थानमा रहेको छ।

पहिलो खेलमा स्विजरल्याण्डसँग १–१ गोलको बराबरी खेलेको वेल्सले दोस्रो खेलमा टर्कीलाई २–० गोल अन्तरले पराजित गरेको थियो।

जारी प्रतिटयोगितामा पहिलो जितको खोजीमा रहेको स्वीजरल्याण्ड जितका सनथ नकआउट चरणमा प्रवेश गर्न चाहन्छ। यसअघिको २ खेलमा एकमा बरमाबरी तथा एकमा हार बेहोरेको स्वीजरल्याण्ड १ अंकका साथ तेस्रो स्थानमा रहेको छ ।

पहिलो खेलमा वेल्ससँग बराबरी खेलेको स्वीजरल्याण्ड दोस्रो खेलमा इटालीसँग पराजित भएको थियो।

यसअघिका सबै खेलमा पराजित टर्की भने समूहको पुछारमा छ। पहिलो खेलमा खेलमा इटालीसँग पराजित टर्की दोसो खेलमा वेल्ससँग पराजित भएको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

प्रतिनिधिसभाको बैठक बस्दै, यस्तो छ कार्यसूची

आजको मौसमः देशका अधिकांश क्षेत्रमा बदली, वर्षाको सम्भावना

शक्तिशाली आँधीका कारण अमेरिकामा २१ जनाको मृत्यु