युरोकप : पोल्यान्डसँग बराबरीमा रोकियो स्पेन

फुटबल

नेपाल लाइभ आइतबार, असार ६, २०७८ ०६:०४

काठमाडौं– जारी युरोकप अन्तर्गत गएराति सम्पन्न खेलमा स्पेन बराबरीमा रोकिएको छ। सेभियास्थित स्टेडियो डे ला कार्जुजामा सम्पन्न खेलमा स्पेनले पोल्याण्डसँग १–१ को बराबरी खेलेको हो।

स्पेनले खेलको २४औं मिनेटमा अल्भारो मोराटाको गोलमा अग्रता बनाएका थिए। पहिलो हाफमा पछि परेको पोल्याण्डले दोस्रो हाफमा खेल बराबरीमा फर्कायो।

पोल्याण्डका लागि खेलको ५४ औं मिनेटमा रोबर्ट लेवान्डोस्कीले गोल गरेका थिए।

खेलको ५८ औं मिनेटमा स्पेनले पाएको पेनाल्टी सदुपयोग गर्न नसक्दा खेल बराबरीमै सकियो। स्पेनका जेरार्ड मोरोनो पेनाल्टीमा गोल गर्न सकेनन्।

यसअघिको खेलमा पनि स्पेनले स्वीडेनसँग गोलरहित बराबरी खेलेको थियो।

समूह ’ई’ मा दुई अंकका साथ स्पेन तेस्रो स्थानमा छ। तालिकाको शीर्षस्थानमा स्वीडेन छ, ४ अंक जोडेको स्विडेनले एकमा जित तथा एकखेल बराबरी खेलेको थियो।

दोस्रो स्थानमा ३ अंकका साथ स्लोभाकिया छ। पोल्याण्ड भने मात्र१ अंकका साथ तालिकाको अन्त्यमा छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

प्रतिनिधिसभाको बैठक बस्दै, यस्तो छ कार्यसूची

आजको मौसमः देशका अधिकांश क्षेत्रमा बदली, वर्षाको सम्भावना

शक्तिशाली आँधीका कारण अमेरिकामा २१ जनाको मृत्यु