युराेकप : फोर्सबर्गकाे गाेलमा स्विडेनकाे पहिलाे जित

फुटबल

नेपाल लाइभ शुक्रबार, असार ४, २०७८ २०:४३

काठमाडाैं- इमिल फोर्सबर्गकाे गाेलमा स्विडेनले १६ औं संस्करणको युरोकप फुटबलमा पहिलाे जित निकालेकाे छ।

रसियाको सेन्ट पिटर्गवर्ग समूह ‘ई’ अन्तर्गत भएकाे खेलमा स्विडेनले स्लोभाकियालाई १-० गाेलले पराजित गरेकाे हाे। ७७औं मिनेटमा फोर्सबर्गले पेनाल्टीबाट गरेकाे गाेल नै स्विडेनलाई जित दिलाउन प्रयाप्त बन्याे।

खेलको तेस्रो मिनेटमा नै कप्तान मरेक हाम्सिकको कर्नरमा जुराज कुकाको हेड गरेपनि त्यसले पाेस्टकाे दिशा लिन सकेन। १३औं मिनेटमा मिकाईल लस्टिगको प्रहार पाेस्ट नजिकैबाट बाहिरिएकाे थियाे।

४३औं मिनेटमा मरेक हाम्सिकको प्रहारले दिशा लिन सकेन। उनले ओन्ड्रेज डुडाको पासमा गरेकाे प्रहार बाहिरिएकाे थियाे। ५८औं मिनेटमा जुराज कुकाको फ्रिकिकमा हाम्सिकले गरेको हेडरलाई पञ्च गर्दै बचाएका थिए। यद्यपि, रेफ्रीले अफसाइडकाे संज्ञा दिए।

५९औं मिनेटमा सेवास्टिन लार्सनको क्रसमा लुडविग अगस्टिन्सनको हेडरलाई गोलरक्षक मार्टिन डुभ्रावकाले डाइड गर्दै एक हातले बचाए।

७१औं मिनेटमा इसाकले गरेको प्रहारलाई गोलरक्षक मार्टिन डुभ्रावकाले सहजै नियन्त्रणमा लिए। इसाकले तीन डिफेन्डरबीचबाट गरेकाे प्रहार पावरफुल नहुँदा डुभ्रावकाले सहजै नियन्त्रणमा लिएका थिएर

७७औं मिनेटमा स्वीडेनले पेनाल्टी पायाे। इसाकको फ्लिक पासमा रोविन क्वाइसनलाई पेनाल्टी बक्समा डुभ्रावकाले फउल गरेपछि रेफ्रीले पेनाल्टी प्रदान गरेका थिए।

फोर्सबर्गले गरेकाे प्रहार डुभ्रावकाले सही ठम्माएपनि गाेल भएकाे थियाे।

समूह चरणमा स्वीडेनको यो पहिलो जित हो। स्वीडेनले यसअघि स्पेनलाई गोलरहित बराबरीमा रोकेको थियो। स्लोभाकियाको यो पहिलो हार हो। यसअघि स्लोभाकियाले पोल्यान्डलाई १–० ले पराजित गरेकाे थियाे।

जितसँगै स्वीडेन २ खेलबाट ४ अंक जोडेर शीर्षस्थानमा उक्लिएकाे छ। पराजित स्लोभाकिया २ खेलबाट ३ अंकका साथ दोस्रो स्थानमा छ। स्पेन १ अंकसहित तेस्रो स्थानमा रहँदा अंकविहीन पोल्यान्ड पुछारमा छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

कांग्रेस–एमालेले उपसभामुखलाई हटाउन खोज्दैछन् : सांसद सिंह

दैलेखमा प्रचण्डलाई किसानले दिए काँक्रो उपहार

सांसदहरूले गरे प्रश्न - बत्ती झ्यापझ्याप जानुको कारण के हो?