काठमाडौं- साविक विजेता ब्राजिलले कोपा अमेरिका फुटबल प्रतियोगिताअन्तर्गत आफ्नो दोस्रो खेल खेल्दैछ।
समूह 'बी' अन्तर्गतको खेलमा ब्राजिलले शुक्रबार बिहान ५:४५ बजे पेरूसँग प्रतिस्पर्धा गर्न लागेको हो।
यसअघि पहिलो खेलमा ब्राजिलले भेनेजुएलालाई ३-० गोलले पराजित गरेको थियो। पेरूले भने याे पहिलो खेल हो।
कोपा अमेरिकामा ब्राजिल र पेरूबीच अहिलेसम्म १९ पटक भेट भएकाे छ। जसमा ब्राजिल १३ खेलमा विजयी भएको छ। तीन खेलमा पेरूले जित हात पारेको छ। तीन खेल बराबरीमा सकिएका छन्।
ब्राजिल र पेरुबीचको खेलअघि समूह 'ए' कै खेलमा कोलम्बिया र भेनेजुएलाबीच खेल हुनेछ।
खेल राति २:४५ हुनेछ। पहिलो खेलमा कोलम्बियाले इक्वेइडरलाई १-० गोलले हराएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
