काठमाडौं- युरोकप अन्तर्गत दोस्रो दिन आज तीन खेल हुँदैछ। शुक्रबारदेखि सुरु भएको १६औं संस्करणको युरोकपमा आज समूह ‘ए’ अन्तर्गत एक र समूह ‘बी’ का दुई खेल हुनेछन्।
पहिलो खेलमा समूह ‘ए’ मा रहेको वेल्स र स्वीट्जरल्याण्ड भिड्ने छन्। यो खेल अजरवैजानको बाकु ओलम्पिक स्टेडियममा नेपाली समय अनुसार साँझ ६:४५ बजे शुरु हुनेछ।
दुबै टिम जित निकाल्दै सुखद सुरुवात गर्न चाहन्छ। त्यसैले दुई टिमबीचको खेल रोमाञ्चक हुने आकलन गर्न सकिन्छ।
यस समूहको इटालीले विजयी सुरुवात गरिसकेको छ। उद्घाटन खेलमा इटालीले टर्कीलाई ३-० ले हराएको थियो।
वेल्स र स्विजरल्याण्डबीच अहिलेसम्म ७ खेलमा प्रतिस्पर्धा भएको। जसमा स्विजरल्याण्डले ५ खेल जितेको छ। यता, वेल्सले २ खेल मात्र जितेको छ।
वेल्स फरवार्ड ग्यारेथ बेलको कप्तानीमा मैदान उत्रने छ। बेल वेल्सको सर्वाधिक गोलकर्ता हुन्। उनले ९२ खेलमा ३३ गोल गरिसकेका छन्।
स्विजरल्याण्डविरुद्ध मैदान उत्रदा वेल्सलाई चोटले सताउने छैन। वेल्सका सबै खेलाडी फिट रहेका छन्। वेल्सका मुख्य प्रशिक्षक रोबर्ट पेजले खेलाडी पुर्णरुपमा फिट र खेलका लागि तयार भएको बताउछन्।
स्विजरल्याण्ड ग्रानिट जाकाको कप्तानीमा मैदान उत्रने छ। स्विजरल्याण्डको टिम पूर्ण फिट रहेको छ। स्विजरल्याण्डका मुख्य प्रशिक्षक भ्लादमिर पेट्कोभिच बलियो टिमविरुद्ध जितकै लागि मैदान उत्रने बताएका छन्।
यस्तै, दोस्रो खेल समूह ‘बी’मा रहेको डेनमार्क र फिनल्याण्डबीच हुनेछ। यो खेल डेनमार्को घरेलु मैदान कोपनहेगमा राति ९:४५ बजे शुरु हुनेछ।
डेनमार्क सन् १९९२ को च्याम्पियन हो भने फिनल्याण्डले पहिलो पटक युरोकप खेल्दैछ। अघिल्लो संस्करणमा छनोट हुन नसकेको डेनमार्क यस पटक राम्रो प्रदर्शन गर्ने लक्ष्यमा छ।
तुलनात्मक रुपमा डेनमार्क टिम हो। डेनमार्क र फिनल्याण्डले हालसम्म ५९ खेल खेलेका छन्। जसमा डेनमार्कले ३८ खेल जितेको छ।फिनल्याण्डले ११ खेल जित्दा दुई टिमबीचको १० खेल बराबरीमा सकिएको छ।
डेनमार्कको टिम पूर्ण फिट रहेका छन्। डेनमार्कलाई क्रिस्टियन एरिक्सन, मार्टिन ब्रेथवेट र युसुफ पाउलसेन जस्ता खेलाडी मैदान उत्रिने छन्।
यता, फिनल्याण्डलाई समेत खेलाडी पनि पूर्ण फिट छन्। फिनल्याण्डका मुख्य हतियार टिमु पुकी चोटमुक्त हुँदै टिममा फर्किसकेका छन्।
आजको अन्तिम खेल समैह ‘बी’ मा रहेको विश्व नम्बर एक बेल्जियम र रसियाबीच हुनेछ। खेल रसियाबीचको घरेलु मैदान सेन्ट पिटर्सवर्गमा राति १२:४५ बजे शुरु हुनेछ बेल्जियमलाई चोटले सताउनेछ।
पहिलो खेलमा बेल्जियमका केही महतव्पूर्ण खेलाडी खेल्ने छैनन्। चोटका कारण मिडफिल्डर केभिन डे ब्रुएना र एक्सल विटसल आज खेल्ने छैनन्। ब्रुएनालाई च्याम्पियन्स लिग फाइनलका क्रममा चोट लागेको थियो।
यस्तै, एडेन हाजार्डले पनि आजको खेलमा सुरुवात गर्ने सम्भावना कम रहेको छ। युरोकप क्वालिफाइङमा शतप्रतिशत जित हात पारेको बेल्जियमले रसियालाई छनोटमा दुवै पटक पराजित गरेको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1782224905-1782225890.jpeg)
-1782199085-1782199787.jpeg)
-1764146706.png)
