दोहोरो अंकले घट्यो नेप्से, १७ अर्बको कारोबार

बैंक/बिमा/सेयर

नेपाल लाइभ बुधबार, जेठ २६, २०७८ १६:४१

काठमाडाैं- मंगलबार सबैभन्दा उच्च विन्दुमा पुगेको पुँजीबजार मापक नेप्से आज दोहोरो अंकले ओरालो लागेको छ।

बुधबार नेपाल स्टक एक्सचेन्ज (नेप्से) परिसूचक १३.५६ अंकले घटेर २९४६.५८ विन्दुमा कायम भएको छ।

आज ठूला कम्पनीको सेयर कारोबार मापन गर्ने सेन्सेटिभ परिसूचक पनि २.८३ अंकले घटेर ५२५.२८ विन्दुमा कायम भएको छ।

नेप्सेमा आज कूल १६ अर्ब ९९ करोड ७० लाख रुपैयाँ बराबरको कारोबार भएको छ। आज कूल २२१ वटा कम्पनीका तीन करोड १३ लाख ५४ हजार २२ कित्ता सेयर एक लाख ५५ हजार २३९ पटक खरिद-बिक्री भएका थिए।

आज नेपाल इन्स्योरेन्स कम्पनी र युनाइटेड मोदी हाइड्रोपावर कम्पनीका लगानीकर्ताले सबैभन्दा बढी प्रतिकित्ता ९.९५ प्रतिशतका दरले कमाएका छन्। युनाइटेड मर्दी हाइड्रोपावरका लगानीकर्ताले सबैभन्दा बढी प्रतिकित्ता ९.८८ प्रतिशतका दरले गुमाएका छन्।

आज अरुण भ्याली हाइड्रोपावर डेभलपमेन्ट कम्पनीका सेयर सबैभन्दा धेरै ८७ करोड ९४ लाख ९० हजार रुपैयाँ बराबरको कारोबार भएको छ। सङ्ख्यात्मक आधारमा पनि सोही कम्पनीका १८ लाख ९६ हजार २३९ कित्ता सेयर किनबेच भएका थिए। ज्योति विकास बैंकका सेयर सबैभन्दा बढी चार हजार ५८७ पटक खरिद-बिक्री भएको नेप्सेले जनाएको छ।

आज फाइनान्स, जीवन बिमा, उत्पादन तथा प्रशोधन, म्युचुअल फण्ड, निर्जीवन बिमा र व्यापार समूहको परिसूचक बढ्दा बाँकी सबै समूहका परिसूचक घटेका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

काठमाडौँबाट हङकङ उडेका २८ यात्रुलाई ‘फुड पोइजन’, छानबिन समिति गठन

कुलमानले बुझाए स्पष्टीकरण, मन्त्रालयले लगाएका आरोपको खण्डन

लसएन्जलस: मृतकको संख्या १६ पुग्यो, आगो अझै अनियन्त्रित