अपि पावरको हकप्रद सेयर आजदेखि

बैंक/बिमा/सेयर

नेपाल लाइभ बिहीबार, जेठ २०, २०७८ ०८:३५

काठमाडौं– अपि पावर कम्पनीको हकप्रद सेयर आज (बिहीवार)देखि विक्री खुला भएको छ ।
कम्पनीले ५६ लाख ७० हजार कित्ता हकप्रद शेयर निष्कासन गर्न लागेको हो। हकप्रद शेयर प्रयोजनको लागि कम्पनीले गत वैशाख २९ गते बुक क्लोज गरिसकेको छ।

उक्त हकप्रद सेयरमा असार ९ गतेसम्म आवेदन दिन सकिने कम्पनीको सेयर विक्री प्रबन्धक मुक्तिनाथ क्यापिटल लिमिटेडले जनाएको छ।

अपि पावर कम्पनी ट्रेड टावर थापाथली तथा मुक्तिनाथ विकास बैंकको शाखा कार्यालय इटहरी, पोखरा, नारायणगढ, सुर्खेत, नेपालगञ्ज, धनगढी र जनकपुरबाट आवेदन दिन सकिने कम्पनीले बताएको छ।

मेरो सेयरबाट हकप्रदका लागि आवेदन दिन सकिनेछ । कम्पनीले निष्कासन गर्न लागेको हकप्रद शेयरलाई केयर रेटिङ नेपालले केयर एनपी बी प्लस रेटिङ प्रदान गरेको छ।

हाल कम्पनीको चुक्तापुँजी १ अर्ब ९२ करोड ९७ लाख ५६ हजार रुपैयाँ रहेको छ। हकप्रद निष्कासनपछि कम्पनीको पुँजी २ अर्ब ४९ करोड ६७ लाख ५६ हजार रुपैयाँ पुग्नेछ ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

काठमाडौँबाट हङकङ उडेका २८ यात्रुलाई ‘फुड पोइजन’, छानबिन समिति गठन

कुलमानले बुझाए स्पष्टीकरण, मन्त्रालयले लगाएका आरोपको खण्डन

लसएन्जलस: मृतकको संख्या १६ पुग्यो, आगो अझै अनियन्त्रित