उपत्यकामा अब वाणिज्य बैंकका ३ शाखा कार्यालय मात्रै खोल्न पाइने

बैंक/बिमा/सेयर

नेपाल लाइभ बुधबार, जेठ १९, २०७८ १६:२४

काठमाडौं- उपत्यकामा अब वाणिज्य बैंकका ३ शाखा कार्यालय मात्रै खोल्न पाइने भएको छ।

काठमाडौं उपत्यकाका ३ जिल्ला काठमाडौं, ललितपुर र भक्तपुरका प्रमुख जिल्ला अधिकारीहरुको बुधबार बसेको बैठकले कोरोना संक्रमणको जोखिम बढेको भन्दै प्रधान कार्यालय र ३ वटा शाखा कार्यालय मात्रै सञ्चालन गर्न दिने निर्णय गरेको हो।

यस्तै, विकास बैंकको हकमा प्रधान कार्यालय र २ वटा शाखा कार्यालय, वित्त कम्पनीको केन्द्रीय कार्यालय र १ वटा शाखा कार्यालय, बीमा समिति तथा बीमा कम्पनीको कर्पोरेट कार्यालय र धितो पत्र बोर्ड खाेल्न दिइनेछ।

तर, प्रशासनले आलोपालो गरी न्यूनतम जनशक्ति अर्थात् २० प्रतिशत मात्र प्रयोग गरी कार्य सञ्चालन गर्ने व्यवस्था मिलाई सो को विवरण नेपाल राष्ट्र बैंक र जिल्ला प्रशासन कार्यालयलाई दिने अनुरोध गरेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

काठमाडौँबाट हङकङ उडेका २८ यात्रुलाई ‘फुड पोइजन’, छानबिन समिति गठन

कुलमानले बुझाए स्पष्टीकरण, मन्त्रालयले लगाएका आरोपको खण्डन

लसएन्जलस: मृतकको संख्या १६ पुग्यो, आगो अझै अनियन्त्रित