सेयर बजारमा पहिरो, यी हुन् आज धेरै कमाउने र गुमाउने कम्पनी

बैंक/बिमा/सेयर

नेपाल लाइभ सोमबार, जेठ १७, २०७८ १५:२१

काठमाडाैं- बजेट सार्वजनिक भएपछिको दोस्रो कारोबार दिन सोमबार नेपालको पुँजीबजारमा पहिरो गएको छ। आइतबार हालसम्मकै उच्च कारोबारसहित 'रेकर्ड' बनेको नेपाल स्टक एक्सचेन्ज (नेप्से) मा आज कारोबार रकम र परिसूचक दुवै घट्न पुगेको हो।

आज नेप्से परिसूचक ४५.०७ अंकले घटेर २७८२.८६ विन्दुमा झरेको छ। यस्तै, ठूला कम्पनीको सेयर कारोबार मापन गर्ने सेन्सेटिभ परिसूचक पनि आज ६.५० अंकले घटेर ५००.५५ विन्दुमा कायम भएको छ।

नेप्सेमा आज कूल १३ अर्ब ३१ करोड रुपैयाँ बराबरको कारोबार भएको छ। आइतबार १७ अर्बको कीर्तिमानी कारोबार भएको थियो।

आज कूल २१८ वटा कम्पनीका दुई करोड ९३ लाख ७१ हजार ४१ कित्ता सेयर एक लाख ४१ हजार ९५८ पटक खरिद-बिक्री भएका थिए।

आज राधी विद्युत् कम्पनीका लगानीकर्ताले सबैभन्दा बढी प्रतिकित्ता ९.९८ प्रतिशतका दरले कमाएका छन्। अरुण भ्याली हाइड्रोपावर कम्पनीका लगानीकर्ताले सबैभन्दा बढी प्रतिकित्ता ९.५२ प्रतिशतका दरले गुमाएका छन्।

आज राधी विद्युत् कम्पनीका सेयर सबैभन्दा धेरै ९० करोड ४२ लाख २० हजार रुपैयाँ बराबरको कारोबार भएको छ। सङ्ख्यात्मक नेसनल हाइड्रोपावर कम्पनीका १० लाख ९८ हजार ३६९ कित्ता सेयर किनबेच भएका थिए। राधी विद्युत् कम्पनीका सेयर सबैभन्दा बढी चार हजार ६३० पटक खरिद-बिक्री भएको नेप्सेले जनाएको छ।

आज म्युचुअल फण्डबाहेक सबै समूहको परिसूचक घट्न पुगेको छ।

यी हुन् सोमबार सबैभन्दा धेरै कमाउने र गुमाउने कम्पनी:

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

काठमाडौँबाट हङकङ उडेका २८ यात्रुलाई ‘फुड पोइजन’, छानबिन समिति गठन

कुलमानले बुझाए स्पष्टीकरण, मन्त्रालयले लगाएका आरोपको खण्डन

लसएन्जलस: मृतकको संख्या १६ पुग्यो, आगो अझै अनियन्त्रित