बजेटलाई सेयर बजारको स्वागत, १७ अर्बको कारोबारसहित नेप्सेमा बन्यो कीर्तिमान

बैंक/बिमा/सेयर

नेपाल लाइभ आइतबार, जेठ १६, २०७८ १७:१७

काठमाडाैं- बजेट सार्वजनिक भएपछिको पहिलो कारोबार दिन नेपालको पुँजीबजारमा कीर्तिमानी कारोबार भएको छ।

आइतबार नेपाल स्टक एक्सचेन्ज (नेप्से) मा १७ अर्ब दुई करोड ८४ लाख रुपैयाँ बराबरको कारोबार भएको छ। यो नेप्सेमा अहिलेसम्मकै सबैभन्दा धेरै कारोबार हो। यसअघि जेठ १३ गते बिहीबार १४ अर्ब ७६ करोड ८७ लाख रुपैयाँको कारोबारसहित रेकर्ड बनेको थियो।

आज नेप्से परिसूचक पनि दोहोरो अंकले बढेको छ। नेप्से १२.५४ अंकले बढेर २८२७.९३ विन्दुमा कायम भएको हो।

यस्तै, ठूला कम्पनीको सेयर कारोबार मापन गर्ने सेन्सेटिभ परिसूचक पनि आज ३.३५ अंकले बढेर ५०७.०६ विन्दुमा कायम भएको छ।

नेप्सेमा आज २१९ वटा कम्पनीका चार करोड २६ लाख ३६ हजार ३४८ कित्ता सेयर एक लाख ७३ हजार ५३७ पटक खरिद-बिक्री भएका थिए।

आज ज्योति विकास बैंकको कारोबारमा सकारात्मक सर्किट लागेको छ। बरुण हाइड्रोपावर कम्पनीका लगानीकर्ताले सबैभन्दा बढी प्रतिकित्ता ६.५६ प्रतिशतका दरले गुमाएका छन्।

आज नेसनल हाइड्रोपावर कम्पनीका सेयर सबैभन्दा धेरै ४७ करोड ४० लाख ९० हजार रुपैयाँ बराबरको कारोबार भएको छ। सङ्ख्यात्मक आधारमा ग्लोबल आईएमई समुन्नत स्किम-१ का ३५ लाख ६३ हजार ५९० कित्ता सेयर किनबेच भएका थिए। नेसनल हाइड्रोपावर कम्पनीकै सेयर सबैभन्दा बढी छ हजार ८२३ पटक खरिद-बिक्री भएको नेप्सेले जनाएको छ।

आज हाइड्रोपावर, इन्भेस्टमेन्ट, उत्पादन तथा प्रशोधन, ब्यापार, अन्य समूह र माइक्रोफाइनान्स समूहको परिसूचकमा गिरावट आउँदा बाँकी समूहमा उकालो लागेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

काठमाडौँबाट हङकङ उडेका २८ यात्रुलाई ‘फुड पोइजन’, छानबिन समिति गठन

कुलमानले बुझाए स्पष्टीकरण, मन्त्रालयले लगाएका आरोपको खण्डन

लसएन्जलस: मृतकको संख्या १६ पुग्यो, आगो अझै अनियन्त्रित