आन्दोलनमा उत्रिएका भेरी अस्पतालका स्वास्थ्यकर्मी
काठमाडौं- बाँकेको नेपालगञ्जस्थित भेरी अस्पतालका स्वास्थ्यकर्मीमाथि कुटपिट गरेको आरोपमा पक्राउ परेका तीन जनाविरुद्ध स्वाथ्यकर्मीहरुले किटानी जाहेरी दिएका छन्।
घटनामा संलग्न रहेकाे आरोपमा पक्राउ परेका तुलसीपुर उपमहानगरपालिका- ११ मानबहादुर रावत, भरत रावत र लोकराज रावतविरुद्ध किटानी जाहेरी परेको बाँकेका एसपी ओम रानाले बताए।
स्वाथ्यकर्मीहरुले किटानी जाहेरी दिएपछि तीनै जनालाई म्याद थपका लागि प्रहरीले जिल्ला अदालत बाँके पुर्याएकाे थियाे। अदालतले अनुसन्धानका लागि ५ दिनको म्याद दिएको एसपी रानाले जानकारी दिए।
बिहीबार राति कोभिड आईसीयूमा उपचाररत दाङका ५४ वर्षीय संक्रमितको मृत्यु भएपछि उनका आफन्तले आईसीयू कक्षमै पसेर चिकित्सक तथा नर्सहरुमाथि कुटपिट गरेका थिए। हाल पक्राउ परेका मानबहादुर मृतकका भाइ हुन् भने बाँकी दुई जना मृतकका छोराहरु हुन्।
ड्युटीमा खटिएका चिकित्सक र नर्समाथि आक्रमण हुन थालेपछि बिरामीलाई छाडेर उनीहरुको भागाभाग भएको थियो। कतिपय ज्यानकै जोखिम बढेको भन्दै अस्पतालको माथिल्लो तलाबाट हाम्फालेका थिए।
घटनाको छानबिन गर्न बाँकेका सहायक प्रमुख जिल्ला अधिकारी शंकर विष्टको संयोजकत्वमा सात सदस्यीय छानबिन समिति गठन गरिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
