चार अर्बको ऋणपत्र बिक्री गर्दै प्रभु बैंक, वार्षिक ८.५ प्रतिशत ब्याज

बैंक/बिमा/सेयर

नेपाल लाइभ सोमबार, जेठ १०, २०७८ १५:३०

काठमाडौं- प्रभु बैंक लिमिटेडले भोलि (मंगलबार)बाट ‘प्रभु बैंक डिबेञ्चर–२०८७’ नामक ऋणपत्र बिक्री खुला गर्ने भएको छ।

बैंकले वार्षिक ८.५ प्रतिशत ब्याजदरमा प्रत्येक तीन/तीन महिनामा ब्याज भुक्तानी हुने गरी चार अर्ब रूपैयाँ बराबरको ऋणपत्र निष्काशन गर्न लागेको हो। यो ऋणपत्र १० वर्ष अवधिको हुनेछ।

बैंकले प्रतिकित्ता एक हजार रूपैयाँ अंकित मूल्यको ४० लाख कित्ता ऋणपत्र निष्काशन गरिने जानकारी दिएको छ। कूल रकम चार अर्ब रूपैयाँमध्ये १६ लाखकित्ता डिबेन्चर अर्थात् एक अर्ब ६० करोड ऋणपुँजी रकम (पाँच प्रतिशत अर्थात् ८० हजार कित्ता सामूहिक लगानी कोषका लागि छुट्ट्याइएको समेत) सर्वसाधारण नेपालीको लागि सार्वजनिक निष्काशनबाट बिक्री गरिने तथा २४ लाख कित्ता डिबेञ्चरले हुन आउने कूल दुई अर्ब ४० करोड रूपैयाँ ऋणपुँजी रकम विभिन्न व्यक्ति तथा संघ संस्थाहरूलाई व्यक्तिगत तवरबाट बिक्री गरिने बैंकले जनाएको छ।

उक्त ऋणपत्र खरिदका लागि छिटोमा जेठ १६ गतेसम्म आवेदन दिनुपर्नेछ। सो अवधिसम्ममा पूर्ण आवेदन नपरेमा निष्काशन अवधि जेठ २६ गतेसम्म लम्ब्याइने बैंकले जनाएको छ।

लगानीकर्ताले सी-आस्वा सदस्य बैंक तथा वित्तीय संस्था र तिनका शाखा कार्यालयहरूबाट न्यूनतम २५ कित्तादेखि अधिकतम १० लाख कित्तासम्मका लागि आवेदन दिनसक्ने छन्।

उक्त ऋणपत्र निष्काशन तथा बिक्री प्रबन्धकमा मेगा क्यापिटल मार्केट्स लिमिटेड तोकिएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

काठमाडौँबाट हङकङ उडेका २८ यात्रुलाई ‘फुड पोइजन’, छानबिन समिति गठन

कुलमानले बुझाए स्पष्टीकरण, मन्त्रालयले लगाएका आरोपको खण्डन

लसएन्जलस: मृतकको संख्या १६ पुग्यो, आगो अझै अनियन्त्रित