काठमाडाैं- अर्जेन्टिनाका महान फुटबलर डिएगो म्याराडोनाको उपचारमा लापरबाही गरेकाे आराेपमा ७ जना स्वास्थ्यकर्मीमाथि हत्या अभियोग लगाइएको छ।
अर्जेन्टिनाका पूर्वकप्तानसमेत रहेका म्याराडोनाकाे ६ महिना अगाडि मृत्यु भएकाे भएकाे हाे। उनकाे मृत्यु हृदयघातका कारण भएकाे भनिएपनि त्यसमाथि छानबिन चलिरहेकाे छ।
उनको उपचारमा लापरबाही गरेकाे आराेप शल्यक्रिया गर्ने डाक्टर, मनोचिकित्सकदेखि उनको घरमा काम गर्ने नर्ससम्मलाई लागेकाे छ। उनीहरुले गल्ती स्वीकार गरे ८ देखि २५ वर्षसम्म जेल सजाय भोग्नुपर्ने छ।
यसअघि म्याराडोनाको परिवारले उनको हेरचाहमा खटिएका स्वास्थ्यकर्मीको हेलचेक्र्याइँको कारण नै मृत्यु भएको आरोप लगाएका थिए।
उनको मृत्युसँगै अनुसन्धानका लागि एक छानबिन समिति बनाइएको थियो। उक्त समितिले पनि म्याराडोनाको निधन हेरचाहको कमी र उपचारमा लापरबाहीले भएकाे निष्कर्ष निकालेकाे थियाे।
‘उपचार गर्ने जिम्मा लिएको स्वास्थ्य टोलीले अपर्याप्त हेरचाह गर्दा र उपचारमा लापरवाही गर्दा माराडोनाको मृत्यु भएकाे हाे,’ रिपाेर्टमा भनिएकाे थियाे, ‘उनले लामाे समय पीडा सहेका थिए। तर, राम्राे उपचार पाउन सकेनन्।’
यद्यपि, रगत जमेपछि गत नोभेम्बरको सुरुमा सफलतापूर्वक उनको मस्तिष्कको शल्यक्रिया गरिएको थियो र उनको मदिरामाथिको निर्भरताको पनि उपचार गरिँदै थियो।
म्याराडोनाकाे मृत्यु भएसँगै उनका समर्थकहरुले उपचारमा संलग्न चिकित्सकहरुले लापरबाही गरेकाे आराेप लगाइरहेका छन्। उनकाे मृत्युपश्चात अर्जेन्टिनाकाेे विभिन्न सहरमा न्यायकाे माग गर्दै प्रदर्शन समेत गरिएकाे थियाे।
८० को दशकमा विश्वका सबैभन्दा चर्चित खेलाडीको रूपमा रहेका म्याराडोनाको कप्तानीमा अर्जेन्टिनाले सन् १९८६ मा विश्व कपको उपाधि चुमेको थियो।
यसबाहेक उनको थुप्रै व्यक्तिगत विश्व रेकर्डहरु छन्। उनले ३७ वर्षको उमेरमा व्यवसायिक खेलबाट सन् १९९७ मा सन्यास लिएका थिए।
खेल जीवनबाट सन्यास लिएपनि उनी सन् २००८ मा अर्जेन्टिनाको राष्ट्रिय टिमको मुख्य प्रशिक्षक बनेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1775382666-1775826937.jpeg)
-1764146706.png)
