काठमाडौं- दक्षिण अमेरिकी फुटबलको सर्वोच्च संस्था (कन्मेबोल)ले कोलम्बियालाई कोपा अमेरिका फुटबलकाे सह-आयोजकबाट हटाएकाे छ।
कोलम्बियन राष्ट्रपति इभान डुकविरुद्धमा सडककमा प्रदर्शन भएपछि प्रतियोगिता कन्मेबोलले बिहीबार कोलम्बियालाई सह-आयोजकबाट हटाउने निर्णय गरेको हो।
विश्वकै सबैभन्दा पूरानो फुटबल प्रतियोगिताको रुपमा रहेको कोपा अमेरिका पहिलो पटक कोपा दुई देशले संयुक्त रुपमा आयोजना गर्न लागेका थिए
जुन १३ देखि जुलाई १० अर्जेन्टिना र कोलम्बियामा आयोजना हुने तय थियो। तर, अब कोलम्बिया आयोजक नरहने भएकाे हाे। राष्ट्रपति डुकले महामारीका बेला कर बढाउन खोजेपछि अप्रिल २८ देखि कोलम्बियामा प्रदर्शन भइरहेकाे छ।
यद्यपि, कोलम्बियाको सरकारले ल्याएकाे विवादास्पद करसम्बन्धी कानुन हटाइए पनि प्रहरी ज्यादती, कम ज्याला, युवाहरुको लागि अवसरको अभाव जस्ता मुद्धा लिएर अझै अन्दोलन चलिरहेको छ।
यही कारण गत साता कोपा लिबरटाडोरस अन्तर्गत कोलम्बियाको अमेरिका डे कासी र ब्राजिलको एट्लेटिको मिनेइरोबीचको खेल प्रभावित भएको थियो।
यद्यपि, खेलकुद मन्त्री एर्नेस्टो लुसेनाले कोरोना महामारीका कारण प्रतियोगिता यस वर्षको अन्त्यमा सार्नुपर्ने रिपोर्टहरुसँग बताएका थिए। उनले यो निर्णय आउनु केही घण्टाअघि प्रतियोगिता सार्न कन्मेबोललाई आग्रहसमेत गरेका थिए।
यद्यपि, कन्मेबोलले एक विज्ञप्ति जारी गर्दै प्रतियोगिता नोभेम्बरमा सार्न असम्भव रहेको बताएको थियो।
यता, अर्जेन्टिना अध्यक्ष अल्बर्टो फर्नान्डेजले कोलम्बियाले सहआयोजना नगरे आफूहरु कोपा अमेरिका पूरै आयोजना गर्न तयार रहेको बताएका थिए। कोरोना महामारीकै कारण २०२० मा तय भएको प्रतियोगिता एक वर्षपछि सरेको थियो।
सन् २०२२ को विश्वकप आयोजक कतार र अष्ट्रेलिया पाहुना टिमको रुपमा कोपा अमेरिका खेल्ने तय थियो। तर, कोरोना महामारीले गर्दा दुवै देशले फेब्रुअरीमा नाम फिर्ता लिएका थिए।
यता, अर्जेन्टिनामा पनि कोरोना संक्रमण दर दैनिक बढिरहेको छ भने मृत्यु हुनेको संख्या पनि बढेको छ। अर्जेन्टिनामा ७२ हजारको मृत्यु भइसकेको छ। यद्यपि, कन्मेबोल कोलम्बियामा हुने तय भएको खेल कहाँ हुने भनेर केही दिनमा जनाकारी दिएको छ।
यसपटक कोपा अमेरिका दुई समूहमा विभाजन गरेर खेलाइनेछ। समूह ‘ए’ मा अर्जेन्टिना, बोलिभिया, चिली, पाराग्वे र उरुग्वे छन्। समूह ‘बी’ मा ब्राजिल, कोलम्बिया, इक्वेडर, पेरु र भेनेजुएला छन्। दुवै समूहका शीर्ष चार टोली क्वाटरफाइनल प्रवेश गर्नेछन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1775382666-1775826937.jpeg)
-1764146706.png)
