काठमाडौं- नेपालमा पहिलो पटक भएको फ्रेन्चाइज फुटबल नेपाल सुपर लिग (एनएसएल)मा टिम विराटनगर सिटी एफसीको मुख्य प्रशिक्षकको जिम्मेवारी सम्हालेका यान लले आफ्नो तलब कोरोना महामारीविरुद्ध लड्न सहयोग गर्ने बताएका छन्।
सामाजिक संजाल ट्वीटरमा बिहीबार लले एनएसएलको कमाई र विराटनगरको तलब नेपाल र भारतको कोभिड कोषलाई प्रदान गरिने जनाकारी दिएका हुन्।
‘मैले कमाएको सबै तलब दान गर्ने निर्णय गरेको छु। मेरो तलबको रकम नेपाल र भारतमा कोरोनाविरुद्ध लड्न समान रुपमा सहयोग गर्नेछु,’ उनले लेखेका छन्।
एनएसएलमा यानले सम्हालेको विराटनगर लिग चरणबाटै बाहिरिएको थियो ।
प्ले अफमा पुग्न जित्नै पर्ने खेलमा विराटनगर ललितपुर सिटी एफसीसँग ४-० गोल अन्तरले पराजित हुँदै बाहिरिएको थियो ।
अन्तिम खेलमा पराजित विराटनगरले फुटबलको अनुशासनमाथि नै धावा बोलेपछि समर्थकको चर्को आलोचनाको सामना गर्नुपरेको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1775382666-1775826937.jpeg)
-1764146706.png)
