काठमाडाैं- इजरायल र प्यालेस्टाइनबिचको तनाव पछिल्लो १० दिनदेखि उत्कर्षमा छ। गाजामा रहेका हमास बिद्रोही तथा इजरायली सेनाबिच रकेट प्रहार तथा हवाई आक्रमण भइरहेको छ।
गएको हप्ताको सोमबार (मे १०) देखि सुरु भएकाे हिंसात्मक गतिविधिमा अहिलेसम्म गाजामा ६३ बालबालिकासहित कम्तीमा २२२ जनाको ज्यान गएको छ। यस्तै इजरायलमा दुई बालबालिकासहित १२ जनाको ज्यान गएको छ। त्यस्तै, गाजाको रकेट आक्रमणबाट ३०० बढी इजरायलीहरु घाइते छन्।
इजरायलले गाजामा मारिएका अधिकांश बिद्रोही लडाकु रहेको र सर्वसाधारण बिना नियत मारिएको बताएको छ। तर, गाजामा नियन्त्रण कायम गरेको हमासले भने मारिने सबै सर्वसाधारण रहेको बताउँछ।
काेराेना महामारीबीच सुरु भएकाे याे रक्तपूर्ण घटनाले विश्वको ध्यान तानेको छ। त्यसको प्रभाव फुटबलमा पनि देखिन थालेको छ।
गएराति घरेलु मैदानमा सिजनको अन्तिम खेल खेल्दै गर्दा म्यानचेस्टर युनाइटेडका पउल पोग्वा र अमाद डियालो प्यालेस्टाइनको झण्डासहित इजरायलले गरिरहेकाे हिंसात्मक गतिविधिकाे बिराेध गरेका थिए। उनीहरुलाई स्टेडियममा उपस्थित १० हजार दर्शकहरुले हेरिरहेका थिए।
फुलहमसँगको १-१ गोलको बराबरीसँगै पछि परम्परागत हिसाबले मैदानको परिक्रमा गर्ने क्रममा उनीहरुले झण्डासहित इजरायलले गरिरहेकाे हिंसात्मक गतिविधिकाे बिराेध गरेका थिए।
‘प्यालेस्टाइनका लागि प्रार्थना,’ पोग्वाले खेलपछि इन्टाग्राममा लेखे, ‘हाम्रो संसारलाई सुरक्षित र हिंसाबिहीन राखौं।’
युनाइटेडका प्रबन्धक ओले गुन्नार सोल्स्कजायरले खेलपछि भने, ‘हामीसँग विभिन्न पृष्ठभूमि, फरक संस्कृति, बिभिन्न देशका खेलाडीहरू छन् र उनीहरू अरूभन्दा फरक छन्। हामीले उनीहरूको विचारलाई सम्मान गर्न आवश्यक छ।’
उनले थपे, ‘यदि मेरा खेलाडीहरूले फुटबलबाहेक अन्य चीजहरूको बारेमा सोच्दछन् भने यो एक सकारात्मक सोच हो।’
एफएकपको फाइनलमा लेस्टर सिटीका हमजा चौधरी र वेस्ले फोफनाले पनि प्यालेस्टाइनको झण्डा देखाउँदै समर्थन गरेका थिए।
पछिल्लो समय हिंसाको विरोधमा ऐक्यबद्धता जनाउन खेलाडीहरुमा मेस्युट ओजिलदेखि इन्टर मिलानका अर्चफ हाकिमी, शाल्केका स्कोर्डन मुस्ताफी, म्यानचेस्टर सिटीका रियाद महरेज, आर्शनलका मोहम्मद एल्नेनीलगायतका खेलाडी छन्।
शनिबार प्यालेस्टाइनको समर्थनमा हजारै प्रदर्शनकारीहरुले युरोपका मुख्य शहरहरु लण्डन, पेरिस, मड्रिड, पेरिसलगातका स्थानमा प्रदर्शन गरेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1773072269.png)
-1773054140.png)
-1773053162.png)
-1764146706.png)
-1772777462.png)
