भारत– भारतले तयार गरेको कोरोना भाइरसविरुद्धको औषधि सार्वजनिक गरिएको छ। भारतीय रक्षामन्त्री राजनाथ सिंहले सोमबार स्वास्थ्य मन्त्री डा हर्षवर्धनको उपस्थितिमा २–डीजी नाम गरेको उक्त औषधि सार्वजनिक गरेका हुन्।
भारतीय रक्षा अनुसन्धान तथा विकास संगठन(डीआरडीओ) का अनुसार भारतको औषधि महानियन्त्रक(डीजीसीआई)ले आपतकालीन प्रयोगका लागि यो औषधिलाई अनुमति दिएको थियो।
रक्षामन्त्री राजनाथ सिंहका अनुसार यो औषधि डीआरडीओको इन्स्टिच्युट अफ न्यूक्लियर मेडिसिन एण्ड अलायर साइन्सेज(इनमास)ले औषधि बनाउने कम्पनी डाक्टर रेड्डीज लेबोरेट्रीजसँग मिलेर विकसित गरेको हो।
२–डीजीले कोभिड–१९ का बिरामीको अक्सिजनमाथिको निर्भरतालाई कम गर्न सहयोग गर्ने जनाइएको छ।
भारतमा दोस्रो लहरको कोरोनाका कारण सबैभन्दा ठूलो समस्या अक्सिजनको उपलब्धतालाई लिएर भइरहेको छ।
२–डीजी औषधिको दश हजार डोजको पहिलो ब्याच सार्वजनिक गरिएको छ। धुलोको रुपमा आउने औषधिलाई पानीमा घोलेर खाने गरी तयार गरिएको जनाइएको छ। औषधि भाइरसले प्रभावित बनाएको कोषसम्म पुगेर भाइरसको बृद्धि तथा भाइरल संश्लेषण रोक्ने र ऊर्जा उत्पादन गर्नेछ।
भारतीय समाचार संस्था एएनआईका अनुसार दोस्रो लहरबाट नराम्ररी प्रभावित बनेको भारतमा कोभिड १९ विरुद्धको उक्त औषधिले कोरोना सङ्क्रमण रोक्ने तथा अस्पतालमा उपचारार्थ बिरामी छिटो निको हुने विश्वास गरिएको छ।
करीब एक वर्षको मेहनतपछि यो औषधि बनेको भारतीय सञ्चारमाध्यमहरुले जनाएका छन्।
कहाँ गरियो परीक्षण?
पीबीआईमा उपलब्ध जानकारीका अनुसार डीआरडीओले आफ्नो उद्योग सहयोगी डीआरएल हैदरबादसँग मिलेर कोभिड–१९ बिरामीमा औषधिको सुरक्षा र प्रभावकारिताको जाँचका लागि परीक्षणको शुरुआत गरेको थियो। मेदेखि अक्टोबर २०२०को बीचमा गरिएको परीक्षणको दोस्रो चरणमा औषधि कोभिड–१९ बिरामीमा सुरक्षित पाइएको थियो र उनीहरुको अवस्था सुधारमा निकै महत्वपूर्ण पाइएको थियो।
दोस्रो चरणको परीक्षण ६ अस्पतालमा गरिएको थियो र भारत भरका ११ अस्पतालमा दोस्रो चरण ‘बी’ को क्लिनिकल ट्रायल गरिएको थियो। फेज २ मा १ सय १० बिरामीमाथि परीक्षण गरिएको थियो। दोस्रो चरणमा जब केही सफलता प्राप्त भयो तब तेस्रो चरणमा यसको ट्रायल दिल्ली, यूपी, बंगाल, गुजरात, राजस्थान, महाराष्ट्रसमेत कयौं राज्यका २७ अस्पतालमा गरिएको थियो। यी अस्पतालहरुमा २२० बिरामीमाथि परीक्षण गरिएको आजतकको अनलाईन संस्करणले जनाएको छ।
औषधिको ट्रायलका क्रममा बिरामीको शरीरमा विशिष्ट महत्वपूर्ण संकेतसँग सम्बन्धित मापदण्ड सामान्य बनाउन लाग्ने औसत समयमा स्टयाण्डर्ड अफ केयर(एसओसी)को तुलनामा एक राम्रो अन्तर(२.५ दिनको फरक) पाइएको थियो।
जब डीआरडीओले यसको तेस्रो ट्रायलको नतिजा राख्यो तब २–डीजीको मामलामा बिरामीको लक्षण निकै धेरै अनुपातमा सुधार देखा परेको थियो र एसओसीको तुलनाममा तेस्रो दिनसम्म बिरामी पूरक अक्सिजन निर्भरता(४२प्रतिशतदेखि ३१ प्रतिशत)बाट मुक्त भएका थिए जो अक्सिजन थेरापीबाट निकै चाँडो राहत मिलेको संकेत हो।
यो औषधि एक पोकामा पाउडरको रुपमा पाइनेछ। जसलाई पानीमा घोलेर प्रयोग गर्न सकिनेछ।
यो भाइरस संक्रमित कोशिकामा जम्मा हुन्छ र भाइरल संश्लेषण तथा उर्जा उत्पादनलाई रोकेर भाइरस बढ्नबाट रोक्छ। भाइरसबाट संक्रमित कोशिकामा यसको चयनात्मक सञ्चय यस औषधिले टुटाउनेछ।
समाचारहरुका अनुसार ग्लूकोजको एक सामान्य अंश र एनालग भएका कारण यसलाई सहजै उत्पादन गर्न सकिनेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
