काठमाडाैं- राष्ट्रिय फुटबल टिमको बन्द प्रशिक्षणका लागि खेलाडी घाेषणा गरिएको छ।
यही जेठ १५ गते हुने इराकविरुद्धको मैत्रीपूर्ण खेल र विश्वकप छनोटका लागि बन्द प्रशिक्षण सुरु गरिएकाे हाे। यही प्रशिक्षणबाट खेलाडी छनोट हुनेछन्।
बन्द प्रशिक्षणमा समावेश गरिएका ३२ खेलाडीमध्ये नेपाल सुपर लिग समापनपछि ८ खेलाडी परिवर्तन गरिएको छ।
क्याम्पमा लागि बोलाइएका नयाँ खेलाडीमा आयुष घलान, सुरज ज्यू ठकुरी, कमल थापा, आशिष लामा, सुमन अर्याल र अमित तामाङ, पुजन उपरकोटी र नितिन थापा छन्।
यद्यपि, नवनियुक्त प्रशिक्षक अब्दुल्लाह अलमुताइरीले बन्द प्रशिक्षणमा रहने गरी ३२ खेलाडीको नाम सार्वजनिक गर्दा काठमाडाैं रेजर्सका कुनैपनि खेलाडी उक्त सुचिमा परेनन्।
एनएसएल च्याम्पियन टोलीका कप्तान एवं गोलरक्षक विकेश कुथुसम्म यसपटक टोलीमा परेनन्।
यसबाहेक थ्री नेसन्स खेल्ने टोलीबाट सुजल श्रेष्ठ र अजित भण्डारी पनि टोलीमा परेका छैनन्। नवयुग श्रेष्ठ र सन्तोष तामाङले राष्ट्रिय टोलीमा पुनरागमन गरेका छन्।
राष्ट्रिय टोलीले मे २९ मा इराकविरुद्ध मैत्रीपूर्ण खेल खेल्ने कार्यक्रम रहेको छ। त्यसपछि जुन पहिलो साताबाट सुरु हुने विश्वकप छनोटका बाँकी खेल खेल्न नेपाल कुवेत प्रस्थान गर्नेछ। नेपालले विश्वकप छनोट अन्तर्गत तीन खेल खेल्न बाँकी छ। नेपालले जुन ३ मा चाइनिज ताइपेइ, जुन ७ मा जोर्डन तथा जुन ११ मा अष्ट्रेलियासँग खेल्नेछ।
बन्द प्रशिक्षणमा परेका खेलाडी
गोलकिपर : किरण कुमार लिम्बु (कप्तान), दीप कार्की, विशाल सुनार
डिफेन्डर : रञ्जित धिमाल, निशान खड्का, रोहित चन्द, अनन्त तामाङ, दिनेश राजवंशी, गौतम श्रेष्ठ, विकास खवास, कमल थापा सुमन अर्याल अमित तामाङ
मिडफिल्डर : मनिष डाँगी, एरिक विष्ट, विशाल राई, सुनिल बल, रविशंकर पासवान, सेसेहाङ आङदेम्बे, सन्तोष तामाङ, विवेक बस्नेत, अन्जन विष्ट, सुमन लामा, पुजन उपरकोटी, आयुष घलान, नितिन थापा, सुरज ज्यू ठकुरी
फरवार्ड : दर्शन गुरुङ, भरत खवास, अभिषेक रिजाल, नवयुग श्रेष्ठ आशिष लामा
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1790922676.png)
-1786602170.png)
