काठमाडौं– भ्रष्टाचार र सम्पत्ति शुद्धीकरणको मुद्दा सुनुवाई गर्दै आएको विशेष अदालतले कोरोना संक्रमण बढेसँगै आफ्ना केही नियमित सेवा कटौती गरेको छ।
अदालतले आरोपपत्र/अभियोगपत्र दर्ता, थुनछेक बयान र आदेश अनुसारको कार्य र म्याद थप मात्र गर्ने भएको छ। विशेषले हाललाई मुद्दाको पेसी, पेसी एवं साधारण तारेख, साक्षीको बकपत्र, हाजिर हुन आउने एवं वारिस अनुमति लगायतका निवेदन पेसी, धरौटी फिर्ता र रोक्का फुकुवासम्बन्धी सेवाहरु स्थगित गरेको छ।
यस्तै, फैसला/आदेश/कागजातहरुको प्रमाणित प्रतिलिपिसम्बन्धी सेवाहरु समेत स्थगन गरेको विशेष अदालतका प्रवक्ता पुष्पराज पाण्डेयले बताए।
मंगलवार सर्वोच्च अदालतको फुलकोर्टको वैठकले अत्यावश्यकीय रिट,बन्दी लगायतका मुद्दा बाहेक अन्य मुद्दाको सुनुवाई स्थगीत गर्ने निर्णय गरेको थियो।
देशभरबाट भ्रष्टाचार र सम्पत्ती शुद्धीकरणको मुद्दामा मानिसहरु आउने र कोरोनाको संक्रमणको जोखिम बढेकाले वुधवार बसेको विशेष अदालतको पुर्ण वैठकले आज (बुधबार)बाटै लागू हुने गरी यी सेवाको कटौती गरेको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
