झापा- पूर्व-पश्चिम राजमार्गस्थित झापाको मेचीनगर नगरपालिका-१३ मा ट्रकको ठक्करबाट मोटरसाइकल चालकको मृत्यु भएको छ। मृत्यु हुनेमा मोरङ पथरी शनिश्चरे नगरपालिका–९ का २१ वर्षीय प्रवेश बयलकोटी रहेको प्रहरीले जनाएको छ।
पूर्वबाट पश्चिमतर्फ जाँदै गरेको को २८ प ८८९१ नम्बरको मोटरसाइकललाई विपरीत दिशाबाट आउँदै गरेको मे १ ख ८११ नम्बरको ट्रकले मंगलबार राति ठक्कर दिएको थियो। ट्रकको ठक्करबाट घाइते उनलाई उपचारका लागि विर्तामोडस्थित विएण्डसी अस्पताल लगिएको थियो। उपचारकै क्रममा उनको बुधबार मृत्यु भएको प्रहरीले जनाएको छ।
मोटरसाइलमा पछाडि सवार सोही स्थानका २२ वर्षीय सागर लिम्बु घाइते भएका छन्। उनको मनकामना अस्पताल चारआलीमा उपचार भइरहेको छ। प्रहरीले ट्रक र ट्रकका चालक झापा अर्जुनधारा नगरपालिका–२ का ५६ वर्षीय सुमन दनुवारलाई नियन्त्रणमा लिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
